சென்னை : ஓய்வு பெற்ற வருமான வரித் துறை (ஐ.ஆர்.எஸ்.) அதிகாரி அருண்ராஜ், இன்று தமிழ் வெற்றி கழகம் (த.வெ.க.) கட்சியில் இணைந்தார். கட்சியின் கொள்கைப் பரப்புப் பொதுச் செயலாளர் பதவிக்கு அவர் நியமிக்கப்பட்டுள்ளார்.
த.வெ.க.வின் வளர்ச்சியில் தனது பங்களிப்பை வழங்க உள்ள அருண்ராஜுக்கு, கட்சியின் தலைவரும் நடிகருமான விஜய் தனது வாழ்த்துக்களையும், முழுமையான ஆதரவையும் தெரிவித்தார். “வரும் சட்டசபை தேர்தலுக்கான தயாரிப்புகளை முழு வீச்சில் முன்னெடுக்க வேண்டும்” எனவும், “புதிய பொறுப்பாளருக்கு கட்சியினர் முழு ஒத்துழைப்பு வழங்க வேண்டும்” எனவும் விஜய் வெளியிட்டுள்ள அறிக்கையில் கூறப்பட்டுள்ளது.
அதேவேளை, தி.மு.க.வின் முன்னாள் ஶ்ரீவைகுண்டம் எம்.எல்.ஏ. டேவிட் செல்வன், அ.தி.மு.க.வின் வால்பாறை முன்னாள் எம்.எல்.ஏ. டாக்டர் ஶ்ரீதரன், ஜேப்பியார் கல்வி அறக்கட்டளையை சேர்ந்த டாக்டர் மரிய வில்சன், மயிலாப்பூர் முன்னாள் எம்.எல்.ஏ. ராஜலட்சுமி மற்றும் முன்னாள் நீதிபதி சுபாஷ் ஆகியோரும் த.வெ.க.வில் இணைந்தனர்.
த.வெ.க.வின் பல்வேறு துறைகளில் அனுபவமுள்ள முக்கியமான தலைவர்கள் ஒருங்கிணைக்கப்படுவது, எதிர்வரும் தேர்தலில் கட்சிக்கு வலுவூட்டும் வகையில் அமையும் என எதிர்பார்க்கப்படுகிறது.
