ஆவடி மாநகராட்சி
உட்பட்ட பகுதிகளில் வணிகர்கள் முறையாக வரிகளை செலுத்தத் தவறிய தனியார் வணிக நிறுவனத்திற்குப் ஆவடி மாநகராட்சி ஆணையாளர் அவர்களின் உத்தரவின் படி பூட்டி சீல் வைக்கப்பட்டது
சென்னை புறநகர் பகுதியானஆவடி மாநகராட்சிக்கு உட்பட்ட CTH மெயின் ரோடு. ஆதித்தனார் தெரு பகுதியில் இயங்கி வந்த தனியார் வணிக நிறுவனம் ஆவடி மாநகராட்சிக்கு செலுத்த வேண்டிய சொத்து வரி, வணிக உரிமம் மற்றும் தொழில் வரி கட்டணம் ஆகியவற்றை நீண்டநாட்களாகச் செலுத்தாமல் இருந்துள்ளது. இதனையடுத்து, மாநகராட்சி ஆணையரின் உத்தரவின் பேரில், மாநகராட்சி துணை ஆணையர் திரு. டிட்டோ அவர்கள் முன்னிலையில், ஆவடிமாநகராட்சி அதிகாரிகளால் அந்த வணிக நிறுவனம் இன்று பூட்டி சீல் வைக்கப்பட்டது.
மேலும், அனைத்து வணிக நிறுவனங்களும் தங்களது சொத்து வரி, வணிக உரிமம் மற்றும் தொழில் வரிக் கட்டணங்களை ஆவடி மாநகராட்சிக்குக் கட்டாயமாகச் செலுத்த வேண்டும் என்றும், விதிகளை மீறினால் சட்டப்படி கடுமையான நடவடிக்கை எடுக்கப்படும் என்றும் மாநகராட்சி ஆணையர் எச்சரிக்கை விடுத்துள்ளார்.
