மயிலாடுதுறை மாவட்டத்தில் பல்வேறு துறைகளின் சார்பில் ரூ.20.72 கோடி மதிப்பீட்டில் கட்டப்பட்ட 43 புதிய கட்டடங்களை அமைச்சர் வெங்கடரமணன் திறந்து வைத்தார்:-
மயிலாடுதுறை மாவட்டம் செம்பனார்கோவில் அரசினர் பெண்கள் மேல்நிலைப் பள்ளியில் புதிய கட்டட திறப்பு விழா மாவட்ட ஆட்சியர் ஸ்ரீகாந்த் தலைமையில் நடைபெற்றது. இந்த நிகழ்ச்சியில் உணவு மற்றும் உணவுப்பொருள் வழங்கல் துறை அமைச்சர் வெங்கடரமணன் சிறப்பு அழைப்பாளராக பங்கேற்று புதிய கட்டடத்தை ரிப்பன் வெட்டி திறந்து வைத்தார். தொடர்ந்து, பள்ளியில் நடைபெற்ற நிகழ்ச்சியில் மயிலாடுதுறை மாவட்டத்தில் ஊரக வளர்ச்சி மற்றும் ஊராட்சி துறை, வணிகவரி மற்றும் பதிவுத்துறை, மருத்துவம் மற்றும் மக்கள் நல்வாழ்வுத்துறை, பள்ளிக்கல்வித்துறை, ஒருங்கிணைந்த குழந்தை வளர்ச்சி திட்டம், மாற்றுத்திறனாளிகள் நலத்துறை, தாட்கோ, மீன்வளம் மற்றும் மீனவர் நலத்துறை ஆகிய துறைகளில் சார்பில் கட்டப்பட்டுள்ள ரூ.20.72 கோடி மதிப்பிலான 43 புதிய கட்டடங்களை காணொளி வாயிலாக திறந்து வைத்தார். இதில் மாவட்ட வருவாய் அலுவலர் பூங்கொடி, அரசு அதிகாரிகள், மாணவர்கள் மற்றும் ஆசிரியர்கள் கலந்து கொண்டனர்.
