மரக்காணத்தில் மினி பஸ் ஓட்டுநர்களுக்கு மிரட்டல்: ஆட்டோ ஓட்டுநர்கள் மீது நடவடிக்கை கோரி எஸ்.பி. அலுவலகத்தில் புகார்
விழுப்புரம் மாவட்டம் மரக்காணம் பகுதியில் மினி பஸ் ஓட்டுநர்கள் மற்றும் உரிமையாளர்களிடம் ஆட்டோ ஓட்டுநர்கள் தகராறில் ஈடுபட்டு, தரக்குறைவாக பேசுவதுடன், மிரட்டல் விடுப்பதாக கூறப்படுகிறது.
மேலும், மினி பஸ்களை பேருந்து நிலையத்திற்குள் இயக்கக்கூடாது என்றும், குறிப்பிட்ட வழித்தடங்களில் பேருந்துகளை இயக்கக்கூடாது என்றும் கூறி இடையூறு செய்வதாக புகார் தெரிவிக்கப்பட்டுள்ளது.
இதுதொடர்பாக நடவடிக்கை எடுக்கக்கோரி மினி பஸ் ஓட்டுநர்கள் மற்றும் உரிமையாளர்கள், விழுப்புரம் மாவட்ட காவல் கண்காணிப்பாளர் அலுவலகத்தில் புகார் மனு அளித்தனர்
