தமிழ் சினிமாவின் முன்னணி நடிகர்களில் ஒருவரான தனுஷ், தனது அடுத்த திரைப்படத்திற்காக மறைந்த இந்தியாவின் முன்னாள் குடியரசுத் தலைவர் மற்றும் விஞ்ஞானி டாக்டர் ஏ.பி.ஜே. அப்துல் கலாமின் வாழ்க்கையை மையமாகக் கொண்ட பயோபிக் படத்தில் நடிக்கவிருக்கிறார்.
இது தொடர்பான அதிகாரப்பூர்வ அறிவிப்பு பிரான்ஸில் நடைபெறும் உலகப் புகழ்பெற்ற கேன்ஸ் திரைப்பட விழாவில் வெளியிடப்பட்டது. இப்படத்தில் நடிக்கிறேன் என்பது என் பாக்கியம் என தனுஷ் தனது இன்ஸ்டாகிராம் பக்கத்தில் பகிர்ந்துள்ளார். “உத்வேகமிக்க தலைவரான அப்துல் கலாம் அய்யாவின் வாழ்க்கையை சொல்லும் படத்தில் நான் நடிப்பதை எனது பாக்கியமாக கருதுகிறேன்,” என அவர் எழுதியுள்ளார்.
மேலும், இப்படத்தின் First Look Poster-உம் வெளியாகியுள்ளது.
இந்த பயோபிக் படத்தை ‘ஆதிபுருஷ்’ படத்தை இயக்கிய ஓம் ராவத் இயக்குகிறார். தயாரிப்பு பணிகளை மெர்குரி பிக்சர்ஸ் நிறுவனம் முன்னெடுத்துள்ளது. இப்படம், அப்துல் கலாம் எழுதிய பிரசித்திபெற்ற நூல் ‘அக்னி சிறகுகள்’ (Wings of Fire) என்பதை அடிப்படையாகக் கொண்டு உருவாக்கப்படுகிறது.
தனுஷ் நடிப்பில் இட்லி கடை, தேரே இஷ்க் மெய்ன் போன்ற படங்கள் வெளியீட்டை எதிர்நோக்கி இருக்கும் நேரத்தில், கலாம் அய்யாவின் வாழ்க்கை வரலாற்றுப் படம் தனுஷின் கரியரில் ஒரு முக்கியமான நிலைப்பாடாக பார்க்கப்படுகிறது.
