கோவை:
கோவை மற்றும் மதுரை மாநகரங்களுக்கு முன்மொழியப்பட்ட மெட்ரோ ரயில் திட்டம் மத்திய அரசால் நிராகரிக்கப்பட்டதை தொடர்ந்து, மதச்சார்பற்ற முற்போக்கு கூட்டணி கட்சிகள் இணைந்து இன்று கோவையில் கண்டன ஆர்ப்பாட்டத்தை நடத்தின. தெற்கு வட்டாச்சியர் அலுவலகம் முன்பாக நடந்த இந்த போராட்டத்திற்கு திமுக எம்.எல்.ஏ மற்றும் முன்னாள் அமைச்சர் செந்தில் பாலாஜி தலைமையேற்றார்.
ஆர்ப்பாட்டத்தில் பேசும் போது அவர் கூறியதாவது:
மெட்ரோ திட்டத்தை தேர்தல் வாக்குறுதியாக தெரிவித்த பாஜக, தமிழ்நாடு அனுப்பிய விரிவான திட்ட அறிக்கையை 15 மாதங்களாக பரிசீலிக்காமல், நேரடியாக நிராகரித்துவிட்டது. இதே நேரத்தில், பாஜக ஆளும் மாநிலங்களுக்கு சில மாதங்களிலேயே அனுமதி கிடைக்கிறது என்பது திட்டமிட்ட பாகுபாடாகும் என்றார்.
தமிழ்நாட்டை முன்னேற விட விரும்பாத மனப்பான்மையோடு மத்திய அரசு செயல்படுகிறது என்று அவர் குற்றம் சாட்டினார். மேலும், மக்கள்தொகையை காரணம் காட்டி திட்டம் மறுக்கப்பட்டாலும், இதே அளவு அல்லது அதற்கும் குறைவான மக்கள் வசிக்கும் ஆக்ரா, பீகார், போபால் போன்ற நகரங்களுக்கு மெட்ரோ அனுமதி அளிக்கப்பட்டிருப்பது முரண்பாடாகும் என தெரிவித்தார்.
அவர் மேலும், “கோவை விஜயத்தில் பிரதமர் மோடி தேர்தலின் போது அளித்த வாக்குறுதிகளை நினைவுக்கு கொள்ளாத பின்னணி இருந்தது. கோவையில் மக்களின் ஆதரவைப் பெற்ற பகுதிகளுக்கே மத்திய அரசு உதவி வழங்காதது ஏற்றுக்கொள்ள முடியாதது” என்றார்.
இதேநேரத்தில், கோவையில் நடந்த ஆர்ப்பாட்டத்தைப் பற்றிய பதிவை தனது X பக்கத்தில் வெளியிட்ட தமிழக முதலமைச்சர் மு.க. ஸ்டாலின், தமிழ்நாட்டை பாதிக்கும் பல்வேறு நடவடிக்கைகளை ஒன்றிய அரசின் “அநியாயமான அணுகுமுறை” எனக் குறிப்பிட்டார்.
அவரது பதிவில், கோவை–மதுரை மெட்ரோ திட்ட நிராகரிப்பு, SIR காரணமாக வாக்குரிமை குறைப்பு, தொகுதிகள் மறுவழங்கலில் தமிழ்நாட்டுக்கு ஏற்படும் குறைபாடு, ஆளுநரின் அரசியல் தலையீடு, நிதி ஒதுக்கீட்டில் பாகுபாடு, உழவர்களுக்கு மத்திய உதவித் திட்டங்கள் வழங்காதது, தமிழ்மொழி மற்றும் தமிழறிவுக்கு எதிரான நடவடிக்கைகள், இந்தித் திணிப்பு.
இவை அனைத்திற்கும் எதிராக தமிழ்நாடு ஒன்றுபட்டு நிற்கும்; நியாயம் தமிழ்நாட்டின் பக்கம் இருக்கும் என்று ஸ்டாலின் தெரிவித்துள்ளார்.
