வங்கதேசத்தின் ‘ராஜ மாதா’ டூ மரண தண்டனை : ஷேக் ஹசீனா வழக்கின் முழுப் பின்னணி

வங்கதேச அரசியலில் 15 ஆண்டுகளுக்கும் மேலாக ஆதிக்கம் செலுத்திய முன்னாள் பிரதமர் ஷேக் ஹசீனாவுக்கு, மனிதகுலத்துக்கு எதிரான குற்றச்சாட்டுகளின் அடிப்படையில் சர்வதேச குற்றவியல் தீர்ப்பாயம் மரண தண்டனை விதித்துள்ளது. கடந்த ஆண்டு வெடித்த மாணவர் போராட்டங்களை அடுத்து இந்த வழக்கு உருவானது.

மாணவர் போராட்டம் முதல் ஆட்சி வீழ்ச்சி வரை

2009 முதல் 2024 வரை தொடர்ந்து பிரதமராக பதவி வகித்த ஹசீனா, நாட்டின் நீண்டகால அரசியல் செல்வாக்கு கொண்ட தலைவராக கருதப்பட்டார். ஆனால், 2024 ஜூலை மாதம் சிவில் சர்வீஸ் தேர்வில் இடஒதுக்கீடு மோசடி நடந்ததாக குற்றச்சாட்டு எழுந்தது. கோடிக்கணக்கான இளைஞர்கள் நாடு முழுவதும் போராட்டத்தில் ஈடுபட்டனர்.

போராட்டம் தீவிரமடைந்து, சட்டசம்பர்க்க படைகள் நடத்திய துப்பாக்கிச் சூட்டில் நூற்றுக்கணக்கான மாணவர்கள் பலியானதாக மனித உரிமை அமைப்புகள் தெரிவித்தன. ஐ.நா. மனித உரிமை ஆணையம் வெளியிட்ட தரவின்படி, 1,400-க்கும் மேற்பட்டோர் உயிரிழப்பும், 25,000-க்கும் மேற்பட்டோர் காயங்களும் ஏற்பட்டுள்ளன.

அழுத்தம் அதிகரித்ததைத் தொடர்ந்து ஹசீனா பதவியை ராஜினாமா செய்து, 2024 ஆகஸ்ட் மாதம் இந்தியாவுக்கு புலம்பெயர்ந்தார்.

5 முக்கிய குற்றச்சாட்டுகள்

போராட்டத்தை அடக்க வன்முறை பயன்படுத்தியதாக ஹசீனாவுக்கு எதிராக பின்வரும் குற்றச்சாட்டுகள் பதிவு செய்யப்பட்டன:

போராட்டக்காரர்களை கொலை செய்ய உத்தரவிட்டது

மக்கள் மீது துப்பாக்கிச் சூடு நடத்த ஊக்குவித்தது

கடுமையான ஆயுதங்களை பயன்படுத்தி தாக்குதல் நடத்த அனுமதி அளித்தது

ஹெலிகாப்டர், ட்ரோன்கள் மூலம் திட்டங்களை செயல்படுத்தியது

அமைதியை நிலைநிறுத்த தவறி, மனித உரிமை மீறல்களுக்கு நேரடி பொறுப்பாளியாக இருந்தது

இதையடுத்து ஹசீனாவின் அவாமி லீக் கட்சியும் அரசியல் தளத்தில் முற்றாக வீழ்ந்தது.

விசாரணை, ஆதாரங்கள், கைது வாரண்ட் :

ஹசீனா இந்தியாவில் இருப்பதால், பல முறை அழைத்தும் நீதிமன்றத்தில் ஆஜராகவில்லை. முன்னாள் உள்துறை அமைச்சர் அசாதுஸ்ஸாமான் உட்பட மூவருக்கு கைது வாரண்ட் பிறப்பிக்கப்பட்டது. வழக்கின் போது 747 பக்க ஆதார ஆவணங்கள் சமர்ப்பிக்கப்பட்டன. இதில், ரோகையா பல்கலைக்கழக மாணவர், சங்கர் புல்லில் 6 மாணவர்கள், இந்தியாவுக்கு தப்பிச் செல்லும் போது சுட்டுக்கொலை செய்யப்பட்ட 6 பேர் என்ற குற்றச்சாட்டுகள் முக்கியமானதாக அமைந்தன.

ஒருவரை உயிருடன் எரித்து கொன்ற சம்பவமும் குற்றச்சாட்டுகளில் ஒன்றாக சேர்க்கப்பட்டது.

தீர்ப்பு

இந்த அனைத்தையும் கருத்தில் கொண்டு, “மனித குலத்திற்கு எதிரான வன்முறைகளில் நேரடியாகவும் மறைமுகமாகவும் ஈடுபட்டார்” என நீதிமன்றம் தீர்மானித்து, ஷேக் ஹசீனாவுக்கு மரண தண்டனை விதித்துள்ளது.

தற்போது ஹசீனா இந்தியாவில் தஞ்சம் அடைந்து உள்ளதாக தகவல்கள் தெரிவிக்கின்றன.