2024-ம் ஆண்டு டி20 உலகக்கோப்பையையும் 2025-ம் ஆண்டு சாம்பியன்ஸ் டிராபியையும் வென்று தன்னை மீண்டும் ஒருமுறை உலக கிரிக்கெட் தரவரிசையில் உயர்த்தியுள்ளார் இந்திய கிரிக்கெட் வீரர் விராட் கோலி. தற்போது நடைபெற்று வரும் 2025-ம் ஆண்டு ஐபிஎல் தொடரிலும், “18வது சீசன், கோலி ஜெர்சி நம்பர் 18, நிச்சயம் சாம்பியன் பட்டம் வெல்வார் !” என அவரது ரசிகர்கள் உற்சாகமாக எதிர்பார்த்துக் கொண்டுள்ளனர்.
இந்த எதிர்பார்ப்புக்கு ஒத்த விதமாகவே, ஆர்சிபி அணி நடப்பு சீசனில் 7 போட்டிகளில் வெற்றி பெற்றும், புள்ளிப் பட்டியலில் முதலிடம் பிடித்தும் அசத்தி வருகிறது.
இந்நிலையில் சமீபத்தில் ஓர் நெஞ்சை தொட்ட வீடியோ சமூக வலைதளங்களில் வேகமாக வைரலாகி வருகிறது. அதில், தன் விருப்பமான பாடலை பகிரும் வகையில் விராட் கோலி, நடிகர் சிம்பு நடித்த ‘பத்துதல’ படத்தின் ‘நீ சிங்கம் தான்’ பாடலை தனது சமீபத்திய பிளேலிஸ்டில் இடம்பெற்றுள்ளதாக கூறுகிறார்.
“நீங்க ஷாக் ஆகிடுவீங்க, ஆனா சமீபத்தில் எனக்கு பிடிச்சிருக்கும் பாடல் இதுதான்,” என கூறி அந்த பாடலை அவ்விடியோவில் நேரடியாக காண்பிக்கிறார் கோலி.
இந்த வீடியோவை ஆர்சிபி அணி தங்களது அதிகாரப்பூர்வ எக்ஸ் தலத்தில் பகிர்ந்தது. இதைப் பார்த்த சிம்புவும், கோலியின் வீடியோவை ரீஷேர் செய்து, ‘நீ சிங்கம் தான்’ என விராட் கோலியை டேக் செய்து சிறப்பு பதிவொன்றை வெளியிட்டுள்ளார்.
இது கோலி ரசிகர்கள் மற்றும் சிம்பு ரசிகர்கள் மத்தியில் கொண்டாட்டத்தையே ஏற்படுத்தி, வலைதளங்களை சூடாக்கியுள்ளது.
