தமிழக முன்னாள் முதலமைச்சர் புரட்சித்தலைவி ஜெ.ஜெயலலிதா அவர்களின் 78-வது பிறந்தநாளை முன்னிட்டு, காஞ்சிபுரம் மாவட்ட கழகம் சார்பில் தமிழகம் முழுவதும் உற்சாகக் கொண்டாட்டங்கள் களைகட்டியுள்ளன. அதன் ஒரு பகுதியாக, வாலாஜாபாத் ஒன்றியம் ஊத்துக்காடு கூட்ரோடு பகுதியில் கழக எம்.ஜி.ஆர். இளைஞர் அணி இணை செயலாளர் எஸ்.எஸ்.ஆர். சத்யா மற்றும் ஊராட்சி மன்ற தலைவர் ஜெனிபர் மார்க்ரேட் ஆகியோர் முன்னிலையில் பிரம்மாண்ட விழா அரங்கேறியது. இந்த விழாவிற்கு காஞ்சிபுரம் மாவட்ட கழக செயலாளரும், முன்னாள் அமைச்சருமான வி. சோமசுந்தரம் தலைமை தாங்கி, அலங்கரித்து வைக்கப்பட்டிருந்த ஜெயலலிதாவின் திருவுருவப் படத்திற்கு மலர் தூவி மரியாதை செலுத்தினார். அதனைத் தொடர்ந்து, ஏழை எளிய பொதுமக்களுக்கு அன்னதானம் வழங்கியதோடு, வேட்டி, சேலை உள்ளிட்ட பல்வேறு நலத்திட்ட உதவிகளை வழங்கி விழாவைச் சிறப்பித்தார். ஜெயலலிதா வழியில் மக்கள் பணியைத் தொய்வின்றித் தொடர வேண்டும் என நிர்வாகிகளுக்கு அவர் இதன்போது அறிவுறுத்தினார்.
இந்த முக்கிய நிகழ்வில் கழக அமைப்புச் செயலாளர்கள் வாலாஜாபாத் பா. கணேசன், அனைத்துலக எம்.ஜி.ஆர். மன்ற இணை செயலாளர் காஞ்சி பன்னீர்செல்வம் மற்றும் மாவட்ட அவைத்தலைவர் குண்ணவாக்கம் கிருஷ்ணமூர்த்தி ஆகியோர் கலந்துகொண்டு சிறப்பித்தனர். மேலும், ஒன்றிய கழக செயலாளர் அக்ரி நாகராஜ், மாவட்ட விவசாய பிரிவு செயலாளர் என்.ஆர்.பழனி, முன்னாள் வாலாஜாபாத் ஒன்றிய குழு தலைவர் தென்னேரி வரதராஜீலு ஆகியோர் விழாவிற்கான ஏற்பாடுகளை ஒருங்கிணைத்தனர். இவர்களுடன் மாவட்ட அம்மா பேரவை இணைச் செயலாளர் படுநெல்லி தயாளன், பகுதி அம்மா பேரவை செயலாளர் ஓரிக்கை பிரவீன்குமார், இளைஞரணி இணை செயலாளர் செவிலிமேடு செல்வம் உள்ளிட்ட கழகத்தின் முக்கிய நிர்வாகிகள் மற்றும் தொண்டர்கள் பெருந்திரளாகப் பங்கேற்று ஜெயலலிதாவின் சாதனைகளை நினைவு கூர்ந்தனர். ஊத்துக்காடு பகுதி முழுவதும் கழகக் கொடிகளாலும், தோரணங்களாலும் அலங்கரிக்கப்பட்டு, ஒரு திருவிழாக் கோலமாகவே இந்த பிறந்தநாள் விழா காட்சியளித்தது.
