Today Headlines | தலைப்புச் செய்திகள் - 13 SEP 2025

Today Headlines | தலைப்புச் செய்திகள் – 13 SEP 2025 | Retro tamil

‘ஏஐ’ எனப்படும், செயற்கை நுண்ணறிவு அமைச்சரை, அல்பேனியா அரசு நியமித்துள்ளது. மெய்நிகர் வடிவில் செயல்படும் இந்த அமைச்சர், ஒப்பந்தப் பணிகளில் நடக்கும் ஊழல் முறைகேடுகளை, 100 சதவீதம் தடுக்க வழிவகுக்கும் எனவும் அந்நாட்டு அரசு தெரிவித்துள்ளது.
உக்ரைனுடனான அமைதிப்பேச்சு தற்காலிகமாக நிறுத்தி வைக்கப்பட்டுள்ளதாக ரஷ்யா அறிவித்துள்ளது. அமைதி பேச்சுக்கு ஐரோப்பிய நாடுகள் தடையாக உள்ளதாக ரஷ்ய அதிபர் புடின் குற்றஞ்சாட்டினார்.
ஐக்கிய நாடுகள் சபையில் பயங்கரவாதம் தொடர்பான விவாதத்தில், வழக்கறிஞர் ஒருவர் பாகிஸ்தானை பயங்கரவாதத்தை ஆதரிக்கும் நாடு என விமர்சித்து அந்நாட்டிற்கு தலைகுனிவை ஏற்படுத்தினார்.
திமுக குடும்பம் கேபிள் டிவி நடத்துகின்ற காரணத்தினால், அவர்கள் அரசு கேபிள் டிவியை முடக்க வேண்டும் என்றே செயல்படுகிறார்கள், என அதிமுக பொதுச்செயலர் இபிஎஸ் கூறியுள்ளார்.
நேபாளத்தின் இடைக்கால பிரதமராக சுசீலா கார்கி நேற்று ( செப்.,12) இரவு பதவியேற்றுக் கொண்டார். இதன் மூலம் அந்நாட்டில் பிரதமர் ஆன முதல் பெண் என்ற பெருமை அவருக்கு கிடைத்துள்ளது.
வெறும் இரண்டு சீட்டுக்காக திமுகவுடன் நாங்கள் இருக்கவில்லை. அந்த இரண்டு சீட்டை கூட பெற முடியாதவர்கள் இருக்கின்றனர், என, விடுதலை சிறுத்தைகள் தலைவர் திருமாவளவன் தெரிவித்தார்.
சுரங்க திட்டங்கள் விவகாரத்தில் மக்களின் கருத்துகளை கேட்க தேவையில்லை என்ற முடிவை கைவிடுமாறு மத்திய அரசை முதல்வர் ஸ்டாலின் வலியுறுத்தி உள்ளார்.
வெற்று விளம்பர மாடல் தி.மு.க. அரசின் மீதான நம்பிக்கையை மக்கள் முற்றிலும் இழந்து விட்டனர் என்று தவெக தலைவர் நடிகர் விஜய் கூறி உள்ளார்.
நல்லதையே நினைப்போம்; நல்லதையே செய்வோம் என முன்னாள் அமைச்சர் செங்கோட்டையன் தெரிவித்தார்.
ஓட்டுத் திருட்டை தடுக்காவிட்டால் இந்தியாவிலும் புரட்சி வெடிக்கும் என சமாஜ்வாதி கட்சி தலைவர் அகிலேஷ் யாதவ் பேசினார்.

No Result