Today Headlines | தலைப்புச் செய்திகள் - 06 Octo 2025

Today Headlines | தலைப்புச் செய்திகள் – 06 Octo 2025 | Retro tamil

பொதுக்கூட்டங்களுக்கான பாதுகாப்பு விதிகள் வகுக்கப்படும் வரை மக்கள் கூடும் இடங்களில் அரசியல் கட்சிகளின் பொதுக்கூட்டங்கள், ஊர்வலங்கள், நடைபயணங்கள் உள்ளிட்ட நிகழ்ச்சிகளை நடத்திக் கொள்ள இடைக்கால அனுமதியை அரசு அளிக்க வேண்டும் என்று பாமக தலைவர் அன்புமணி வலியுறுத்தி உள்ளார்.
தமிழகத்தை இருண்ட சூழலில் கொண்டு வந்து முதல்வர் ஸ்டாலின் நிறுத்தி உள்ளதாக தமிழக பாஜ முன்னாள் தலைவர் அண்ணாமலை விமர்சித்துள்ளார்.
சென்னையில் நேற்று பெய்த கனமழையால் விமான சேவை பெரிதும் பாதிக்கப்புக்குள்ளானது.
மக்களைக் காக்க வேண்டிய போலீசார், திமுகவினர் குற்றம் புரியும் போது ஏவல்துறையாகவும், அப்பாவிகள் அகப்படும்போது அராஜகத் துறையாகவும் மாறுவது ஏன்? என தமிழக பாஜ தலைவர் நயினார் நாகேந்திரன் கேள்வி எழுப்பி உள்ளார்.
கரூர் கூட்ட நெரிசலில் 41 பேர் உயிரிழந்த வழக்கில் ஐ.ஜி., அஸ்ரா கார்க் தலைமையிலான சிறப்பு புலனாய்வுக் குழு இன்று விசாரணையை தொடங்கியது. சம்பவம் நடந்த வேலுச்சாமிபுரத்தில் சிறப்பு புலனாய்வுக்குழுவினர் ஆய்வு செய்தனர்.
கரூர் துயர சம்பவம் தொடர்பான வழக்கில், த.வெ.க., தலைவர் விஜய் உள்ளிட்ட நிர்வாகிகளுக்கு, சென்னை உயர் நீதிமன்றம் கடும் கண்டனம் தெரிவித்த நிலையில், உச்ச நீதிமன்றத்தை அணுக, விஜய் முடிவு செய்திருப்பதாக தகவல் வெளியாகிஉள்ளது.
தவறு செய்தவர்களை காப்பாற்ற, பா.ஜ., ஒன்றும் நீதிமன்றம் இல்லை; ஒரு அரசியல் கட்சி, என, தமிழக பா.ஜ., தலைவர் நாகேந்திரன் தெரிவித்தார்.
ஒடிசாவில் இருதரப்பினரிடையே வெடித்த மோதல் காரணமாக அங்கு கலவரம் வெடித்துள்ளது. இதன் காரணமாக, கட்டாக்கில் 24 மணிநேரத்திற்கு இணைசேவைக்கு தடை விதிக்கப்பட்டுள்ளது.
சர்வதேச விண்வெளி நிலையத்துக்கு சென்ற முதல் இந்தியரான சுபான்ஷு சுக்லா, பள்ளி மாணவர்களுக்கான, ‘விக்ஷித் பாரத் கட்டமைப்பு’ இயக்கத்தின் விளம்பர துாதராக நியமிக்கப்பட்டுள்ளார்.
மத்திய அமைச்சர் அமித்ஷா கேரளா வந்தபோது குடிபோதையில் பணியில் இருந்த போலீஸ் அதிகாரி சஸ்பெண்ட் செய்யப்பட்டுள்ளார்.

No Result