சென்னை :
இயக்குநர் மணி ரத்னம் இயக்கத்தில் கமல் ஹாசன் நடிப்பில் உருவாகி வரும் திரைப்படம் ‘தக் லைஃப்’. இப்படத்தில் கமலுடன் இணைந்து நடிகர் சிம்புவும் முதன்முறையாக நடித்துள்ளார். அவர்களுடன் த்ரிஷா, அபிராமி, அசோக் செல்வன், ஜோஜு ஜார்ஜ் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
முதல்முறையாக கமல் ஹாசன் மற்றும் சிம்பு இணைந்து நடித்திருக்கும் இப்படத்திற்கு இசைமைப்பாளர் ஏ.ஆர். ரஹ்மான் இசையமைத்துள்ளார். ‘தக் லைஃப்’ திரைப்படம் ஜூன் 5ம் தேதி திரையரங்குகளில் வெளியாகவுள்ளது.
இதற்கிடையில், இப்படத்தின் இசை வெளியீட்டு விழா மே 16ம் தேதி நடைபெறவிருந்தது. ஆனால், தற்போதைய இந்தியா – பாகிஸ்தான் இடையிலான போர் பதற்றம் காரணமாக, அந்த விழா தற்காலிகமாக தள்ளிவைக்கப்படுகிறது என நடிகர் கமல் ஹாசன் அறிவித்துள்ளார்.
தங்களது படத்துக்கு சமாதான சூழல் தேவையெனக் கருதி இந்த முடிவை எடுத்ததாகவும், இசை வெளியீட்டு விழாவின் புதிய தேதி விரைவில் அறிவிக்கப்படும் என்று தெரிவித்துள்ளார்.