சென்னை :
“அடுத்து வரவுள்ள ‘திராவிட மாடல் ஆட்சி 2’ல், வளர்ச்சியில் நாடு முழுவதும் முதல் மாநிலமாக தமிழகம் உயரும்” என முதல்வர் மு.க. ஸ்டாலின் உறுதியாக தெரிவித்துள்ளார்.
தமிழ்நாடு அரசு பொருளாதார வளர்ச்சியில் எடுத்துள்ள முக்கியமான நடவடிக்கைகளால் மாநிலம் பல்வேறு துறைகளிலும் முன்னேற்றம் காண்கிறது. குறிப்பாக, தேசிய அளவில் தனி நபர் வருமானத்தில் தமிழகம் இரண்டாவது இடத்தை பிடித்துள்ளதாகத் தொழில்துறை அமைச்சர் தங்கம் தென்னரசு பகிர்ந்துள்ள புள்ளிவிவரங்களில் குறிப்பிடப்பட்டுள்ளது.
இந்த வளர்ச்சி தமிழக அரசு மக்களின் நலனைக் குறிக்கோளாகக் கொண்டு செயல்பட்டதன் பலன் என்றும், முன்னாள் அ.தி.மு.க. ஆட்சியில் இருந்த வளர்ச்சியை விட இருமடங்கு உயர்வு ஏற்பட்டுள்ளது என்றும் அமைச்சர் தங்கம் தென்னரசு தெரிவித்துள்ளார்.
இந்நிலையில், இந்த புள்ளிவிவரங்களை முதல்வர் மு.க. ஸ்டாலின் தனது எக்ஸ் பக்கத்தில் பகிர்ந்துள்ளார். அதில் அவர் கூறியிருப்பதாவது :
“தேசிய சராசரியை விஞ்சியுள்ளோம். கடந்த அ.தி.மு.க. ஆட்சியின் வளர்ச்சியைக் காட்டிலும் இருமடங்கு மிஞ்சியுள்ளோம்.
அடுத்து வரவுள்ள திராவிட மாடல் ஆட்சி 2ல், வளர்ச்சியில் நாடு முழுவதும் முதலிடத்தைத் தமிழகம் பிடிக்கும்.”
இதன்மூலம், தமிழகம் வளமான எதிர்காலத்துக்கு முன்னேறுவதை வலியுறுத்தும் வகையில், முதல்வர் தனது நம்பிக்கையையும் திட்டங்களையும் வெளிப்படுத்தியுள்ளார்.
