சனி பெயர்ச்சியை முன்னிட்டு திருவாரூர் மாவட்டம் திருக்கொள்ளிக்காடு பொங்கு சனீஸ்வரர் கோவில் முன்னேற்பாடு பணிகள் தீவிரம்.
திருவாரூர் மாவட்டம், திருத்துறைப்பூண்டி அருகே திருக்கொள்ளிக்காடு பகுதியில் அமைந்துள்ள அருள்மிகு பஞ்சினும் மெலடி சாங் மெலடியால் உடனுறை அக்கினேஸ்வர ஸ்வாமி பொங்கு சனீஸ்வரர் ஆலயத்தில் ஒவ்வொரு சனி பெயர்ச்சி விழா சிறப்பாக கொண்டாடப்படும். நளச்சக்கரவர்த்தி திருநள்ளாறில் உள்ள சனீஸ்வரரை வழிபட்ட பின்னர் திருக்கொள்ளிக்காடு வந்து அக்னி தீர்த்தத்தில் நீராடி பொங்கு சனீஸ்வரர் வழிபட்ட பின்னர் தான், இழந்த நாடு நகரங்களை திரும்பக் கிடைக்கப் பெற்றார் என்பது ஐதீகம். இக்கோவிலில் ஈசன், மகாலட்சுமி அம்பாளுடன், கையில் கலப்பையும், காகமும் கொண்டு அபயம் அளித்து காக்கும் பொங்கு சனீஸ்வரனாக அருள்பாலித்து வருகிறார். இங்குள்ள பொங்குசனீஸ்வரர் கையில் ஏர் கலப்பையுடன் அருள்பாலித்து வருவது தனிச்சிறப்பு மிக்கது . இவ்வாலயத்தில் உள்ள அக்னி தீர்த்தத்தில் நீராடி பொங்கு சனீஸ்வரர் வழிபட்டால் சனி தோஷத்தில் இருந்து விடுபட முடியும் என்பது ஐதீகம். இங்குள்ள ஈசனை வணங்கினால், நவக்கிரங்களின் தாக்கம் மறைந்தும், குறைந்தும் நன்மை உண்டாகும் என்பதால் பல்வேறுப் பகுதிகளில் இருந்தும் பக்தர்கள் அதிகளவில் வந்து செல்கின்றனர். இக்கோவிலில் 2026-ஆம் ஆண்டிற்கான சனிப் பெயர்ச்சி மார்ச் 6, 2026 (வெள்ளிக்கிழமை) அன்று காலை 8:24 மணிக்கு நிகழ்கிறது. வாக்கிய பஞ்சாங்கத்தின்படி, சனீஸ்வர பகவான் கும்ப ராசியிலிருந்து மீன ராசிக்குப் பெயர்ச்சி அடைகிறார் பெயர்ச்சி அடைகிறார். அதனைத்தொடர்ந்து சுவாமிக்கும், பொங்கு சனீஸ்வரருக்கும் சிறப்பு வேள்வி மற்றும் அபிஷேகம் நடக்க உள்ளது.
சனி பெயர்ச்சி முன்னிட்டு பொதுமக்கள் வந்து செல்வதற்காக மாவட்ட நிர்வாகம் சார்பில் பேருந்து வசதி, காவல்துறையினர் பாதுகாப்பு வசதிகளை மேற்கொண்டு வருகின்றனர்.
