சினிமா உலகத்திலிருந்து விலகி, முழுநேர அரசியலில் களமிறங்கியுள்ள நடிகர் தளபதி விஜய், தனது சினிமா பயணத்தில் கடைசி படமாகக் கருதப்படும் ‘ஜனநாயகன்’ திரைப்படத்தில் நடித்துவருகிறார்.
எச். வினோத் இயக்கும் விஜயின் 69வது படமான இந்த திரைப்படத்தில், ‘அனிமல்’ பட வில்லனாக நடித்த பாபி தியோல், ‘பீஸ்ட்’ படத்தில் விஜயுடன் இணைந்த பூஜா ஹெக்டே, ‘பிரேமலு’ புகழ் மமிதா பைஜு, இயக்குநர் கௌதம் வாசுதேவ் மேனன், நடிகர் பிரகாஷ் ராஜ் உள்ளிட்ட பலரும் முக்கியக் கதாபாத்திரங்களில் நடித்துள்ளனர். இசையமைப்பாளராக அனிருத் பணியாற்ற, படத்தை கேவிஎன் புரொடக்ஷன்ஸ் நிறுவனம் தயாரிக்கிறது.
2026-ம் ஆண்டு பொங்கலுக்கு முன்னிட்டு இப்படம் திரைக்கு வரவிருக்கிறது. இந்நிலையில், விஜயின் பிறந்தநாளான நேற்று, படத்தின் கிளிம்ஸ் வீடியோ வெளியாகி ரசிகர்களிடையே மிகுந்த வரவேற்பைப் பெற்றது.
‘ஜனநாயகன்’ – கடைசி படம் தானா ?
விஜய் அரசியலில் முழுமையாக ஈடுபட உள்ளதாக அறிவித்துள்ளதால், ‘ஜனநாயகன்’ அவரது கடைசி திரைப்படமாக இருக்கலாம் எனவே எதிர்பார்ப்பு உச்சத்தில் உள்ளது.
இந்த நிலையில், சமீபத்தில் ஒரு நிகழ்ச்சியில் கலந்துகொண்ட மமிதா பைஜு, ஒரு முக்கிய தகவலை வெளியிட்டுள்ளார். “ஜனநாயகன் தான் உங்களுடைய கடைசி படம் தானா?” என்று விஜயிடம் நேரில் கேட்டபோது, அவர்,
“திரைப்படங்களில் தொடர்ந்து நடிப்பது குறித்து, தேர்தல் முடிவுகளை பொறுத்து தான் முடிவு செய்வேன்,”
என்று பதிலளித்ததாக மமிதா கூறியுள்ளார்.
அவரது இந்த பேச்சு தற்போது சமூக வலைதளங்களில் வைரலாகி ரசிகர்களிடையே பெரும் கவனத்தைப் பெற்றுள்ளது.