சூப்பர்ஸ்டார் ரஜினிகாந்த் மற்றும் இயக்குநர் லோகேஷ் கனகராஜ் இணைந்து உருவாக்கிய திரைப்படம் ‘கூலி’ ரசிகர்கள் மத்தியில் மிகுந்த எதிர்பார்ப்பை உருவாக்கியுள்ளது. இப்படத்திற்கு இசையமைப்பாளர் அனிருத் இசை வழங்கியுள்ளார்.
இந்தப் பிரம்மாண்ட படத்தில் அமீர் கான், சத்யராஜ், நாகார்ஜுனா, சௌபின் ஷாஹிர், ஸ்ருதிஹாசன், பகத் பாசில், ரெபா மோனிகா ஜான் மற்றும் உபேந்திரா உள்ளிட்ட நட்சத்திரங்கள் பலர் முக்கிய வேடங்களில் நடித்துள்ளனர்.
‘கூலி’ திரைப்படம் வரும் ஆகஸ்ட் 14ஆம் தேதி உலகமெங்கும் வெளியிடப்பட இருக்கிறது.
இப்படத்திலிருந்து இதுவரை வெளியாகியுள்ள ‘சிக்கிடு’, ‘மோனிகா’, ‘கூலி தி பவர்ஹவுஸ்’ ஆகிய பாடல்கள் சமூக வலைதளங்களில் வைரலாகி, ரசிகர்களிடையே பெரும் வரவேற்பைப் பெற்றுள்ளன. குறிப்பாக ‘பவர்ஹவுஸ்’ பாடல் பட்டி தொட்டி எங்கும் கொண்டாடப்பட்டு வருகிறது.
இசை மற்றும் டிரெய்லர் வெளியீட்டு விழா: படத்தின் இசை மற்றும் டிரெய்லர் வெளியீட்டு விழா வரும் ஆகஸ்ட் 2 ஆம் தேதி சென்னையில், மிகுந்த விமர்சனத்துடன் நடைபெற உள்ளது. இதற்கான ஏற்பாடுகள் தீவிரமாக நடைபெற்று வருகின்றன.
சமீபத்தில் நடந்த நேர்காணல் ஒன்றில் லோகேஷ் கனகராஜ் கூறியதாவது
எனக்கு ஒரு போலிஸ் திரைப்படம் எடுக்க வேண்டும் என்பது ஆசை,சாதாரண போலிஸ் திரைப்படமாக அல்லாமல் ஒரு கல்ட் கிளாசிக் திரைப்படமான காக்க காக்க, வேட்டையாடு விளையாடு, சாமி போன்ற திரைப்படங்கள் போல் அது இருக்க வேண்டும். சமீபத்தில் ஒரு உண்மை சம்பவத்தை படித்தேன் அதை படமாக்க வேண்டும் என்ற ஆசை இருக்கிறது.” என கூறியுள்ளார்.