மகளிர் உலகக்கோப்பை – இலங்கை அணி த்ரில் வெற்றி

வங்கதேசத்திற்கு எதிரான மகளிர் உலகக்கோப்பை கிரிக்கெட் போட்டியில் இலங்கை அணி 7 ரன்கள் வித்தியாசத்தில் த்ரில் வெற்றி பெற்றது.
மும்பையில் நடைபெற்ற 21-வது லீக் ஆட்டத்தில் இலங்கை – வங்கதேச அணிகள் மோதின. இதில் டாஸ் வென்ற இலங்கை அணி முதலில் பேட்டிங்கை தேர்வு செய்தது. அதன்படி களமிறங்கிய அந்த அணி, 48.4 ஓவரில் அனைத்து விக்கெட்டுகளையும் இழந்து 202 ரன்கள் எடுத்தது.
இதையடுத்து 203 ரன்கள் எடுத்தால் வெற்றி என்ற இலக்குடன் களமிறங்கிய வங்கதேச அணி, இலங்கை அணியின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்து தடுமாறியது. இறுதியில் அந்த அணி 50 ஓவர் முடிவில் 9 விக்கெட்டுகளை இழந்து 195 ரன்கள் மட்டுமே எடுத்தது. இதன் மூலம் 7 ரன்கள் வித்தியாசத்தில் இலங்கை அணி த்ரில் வெற்றி பெற்றது.