Eternal Q2 Results:
Zomato நிறுவனத்தின் தாய் நிறுவனமான Eternal Ltd-ன் பங்குகள் இன்று கடுமையான சரிவை சந்தித்துள்ளன. காலாண்டு முடிவுகள் அறிவிக்கப்படும் முன்பே பங்கு விலை 3% க்கும் மேல் வீழ்ச்சி கண்டது. செப்டம்பர் 2025 முடிவடைந்த இரண்டாம் காலாண்டில், நிறுவனத்தின் ஒருங்கிணைந்த லாபம் 63.07% குறைந்து ரூ.65 கோடியாக பதிவாகியுள்ளது.
முடிவுகள் அறிவிக்கப்பட்டவுடன் பங்குகள் மேலும் சரிவடைந்து, முதலீட்டாளர்கள் மத்தியில் கவலைக்குரிய நிலையை உருவாக்கியுள்ளது.
Eternal பங்குகளில் கடுமையான சரிவு!
Zomatoவின் தாய் நிறுவனமான Eternal, Q2 முடிவுகளை அறிவித்ததையடுத்து பங்குகள் 8.18% வரை சரிந்தன. வர்த்தக முடிவில், பங்குகள் 4.09% வீழ்ச்சியுடன் ரூ.340.05 இல் நிறைவடைந்தன. இது முந்தைய வர்த்தக நாளின் ரூ.354.55 இலிருந்து கணிசமான குறைவு.
இது முதலீட்டாளர்களுக்கு அதிர்ச்சியை ஏற்படுத்திய நிலையில், Eternal பங்குகள் இன்றைய வர்த்தகத்தில் மிகப் பெரிய அளவில் அடிவாங்கியதாக கூறப்படுகிறது.
Eternal Q2 முடிவுகள் – லாபம் சரிந்தும் வருவாய் ஏற்றம்
நடப்பு நிதியாண்டின் இரண்டாவது காலாண்டான ஜூலை-செப்டம்பர் 2025 காலகட்டத்தில், Eternal நிறுவனத்தின் இயக்க வருவாய் 183.18% உயர்ந்து ரூ.13,590 கோடி ஆக உயர்ந்துள்ளது. ஆனால், செலவுகள் 188.79% அதிகரித்து ரூ.13,813 கோடி ஆனது. இதனால் லாபத்தில் பெரும் சரிவு ஏற்பட்டது.
முடிவுகளுக்கு முன்பு Eternal பங்குகள் 3.91% உயர்ந்து ரூ.368.40 என்ற உச்சத்தை எட்டியிருந்தாலும், முடிவுகள் வெளியான பின் அவை 8.18% வீழ்ச்சியடைந்து ரூ.340.50 வரை சரிந்தன.
பங்கு வீழ்ச்சிக்கு காரணம்?
நிறுவனத்தின் லாபத்தில் ஏற்பட்ட சரிவு, உணவு விநியோக வணிகத்தில் (Food Delivery Segment) எதிர்பார்த்ததை விடக் குறைவான வளர்ச்சி, மற்றும் விரைவான வர்த்தக வணிகங்களில் (Quick Commerce) மெதுவான வளர்ச்சி ஆகியவை பங்கு விலை சரிவுக்கான முக்கிய காரணங்களாக கூறப்படுகின்றன.
