“நான் தான் தவறு செய்து விட்டேன்” – கண்கலங்கிய டாக்டர் ராமதாஸ்

விழுப்புரம்: பாமக நிறுவனர் டாக்டர் ராமதாஸ், திண்டிவனம் அருகே தைலாபுரம் தோட்டத்தில் இன்று செய்தியாளர்களை சந்தித்தார். அப்போது அவர் தனது மகன் மற்றும் பாமக தற்போதைய தலைவர் அன்புமணி ராமதாஸ் மீது பல்வேறு பரபரமான குற்றச்சாட்டுகளை முன்வைத்ததோடு, கண்கள் கலங்கும் நிலையிலும் பேசினார்.

பாமகவில் கடந்த சில மாதங்களாகவே ராமதாஸுக்கும் அன்புமணிக்கும் இடையே உட்பிளவுகள் உருவாகியுள்ளன. கடந்த ஆண்டு பட்டானூரில் நடைபெற்ற புத்தாண்டு சிறப்பு பொதுக்குழுவில், இருவரும் மேடையிலேயே நேரடியாக கருத்து வேறுபாடு கொண்டதாக குறிப்பிடத்தக்கது.

முந்தைய மோதல்…

அந்த கூட்டத்தில், தனது பேரனான முகுந்தனை இளைஞர் அணி தலைவராக அறிவித்த ராமதாஸின் அறிவிப்புக்கு அன்புமணி வெளிப்படையாக எதிர்ப்பு தெரிவித்தார். அதன் பின்னரும் இருவரும், மீண்டும் மீண்டும் விமர்சனங்கள் மற்றும் குற்றச்சாட்டுகளை பரிமாறிக்கொண்டு வந்தனர்.

“அன்புமணி பொய் சொல்கிறார்” – ராமதாஸ் குற்றச்சாட்டு

இந்நிலையில், இன்று தைலாபுரத்தில் செய்தியாளர்களிடம் பேசிய ராமதாஸ், அண்மையில் தர்மபுரியில் நடைபெற்ற கூட்டத்தில் அன்புமணி பேசிய முறையை குற்றம் சுமத்தியார்.

“அவர் ‘எனக்கு என்ன குற்றம்?’ என்று பேசினார். உண்மையில், அவர் தவறு செய்யவில்லை. தவறு செய்தது நான்தான். 35 வயதிலேயே அனைத்து சத்தியங்களையும் மீறி அவரை மத்திய அமைச்சராக ஆக்கியது எனது பிழை,” என ராமதாஸ் குற்றம்சுமத்தினார்.

மேலும், “அவர் மக்களிடம் அனுதாபம் பெற முயற்சிக்கிறார். எனவே உண்மையை வெளிப்படுத்துவது எனது கடமை. உடலுக்கு இனிப்பைத் தவிர்த்து சில கசப்பான மாத்திரைகளை கொடுக்க வேண்டிய நிலை வந்துவிட்டது,” என்றார்.

மேடையிலே நடத்திய பாகுபாடு…

பட்டானூர் கூட்டத்தில் அன்புமணி மேடை நாகரீகத்தைக் கடைபிடிக்கவில்லை என்றும்,

“மைக்கை தூக்கி என் தலையில் போடாத குறையாக வீசியுள்ளார். நான்கு சுவற்றுக்குள் முடிக்க வேண்டிய விஷயங்களை நடு வீதிக்கு கொண்டு வந்தவர் அன்புமணிதான்,” என ராமதாஸ் கடுமையான விமர்சனங்களை முன்வைத்தார்.

கண் கலங்கிய ராமதாஸ்

செய்தியாளர் சந்திப்பின் போது, அன்புமணியைப் பற்றி பேசும் சில தருணங்களில் ராமதாஸ் கண்கள் கலங்கியதாக பார்த்தோம்.

“அன்புமணி பொய் சொன்னதினால், மாவட்ட செயலாளர்கள் 100 பேர் எனது ஆலோசனை கூட்டத்திற்கு வரவில்லை,” என்றும்,
“அப்போதே நான் செத்துவிட்டேன்” எனவும் எமோஷனலான கருத்துகளை வெளியிட்டார்.

தொண்டர்களிடையே அதிர்ச்சி

இந்த அறிக்கைகள் பாமக தொண்டர்களிடையே அதிர்ச்சியையும், குழப்பத்தையும் ஏற்படுத்தியுள்ளன. ராமதாஸ் மற்றும் அன்புமணிக்கிடையேயான நெருக்கடியான உறவு தற்போது வெளிப்படையான மோதலாக மாறியுள்ளது.

இந்த நிலைமைகள் பாமக அரசியலில் என்ன பாதிப்புகளை ஏற்படுத்தும் என்பது என்பதை பொறுத்திருந்துதான் பார்க்கவேண்டும்.