தமிழ் சினிமாவின் முன்னணி நடிகர் சூர்யா நடிப்பில் நேற்று வெளியான படம் ரெட்ரோ. இப்படத்தை இயக்குநர் கார்த்திக் சுப்புராஜ் இயக்கியுள்ளார். Stone Bench Creations மற்றும் 2D Entertainment நிறுவனங்கள் இணைந்து தயாரித்துள்ள இந்த திரைப்படம் ரசிகர்களிடையே பெரிய எதிர்பார்ப்பை ஏற்படுத்தியது.
பூஜா ஹெக்டே, சூர்யாவுக்கு ஜோடியாக நடித்திருக்கும் முதல் படம் இதுதான். இவர்களுடன் ஜோஜு ஜார்ஜ், ஜெயராம், நாசர் உள்ளிட்ட பல முக்கிய நடிகர்கள் இப்படத்தில் நடித்துள்ளனர்.
படம் வெளியான முதல் நாளிலேயே கலவையான விமர்சனங்களை சந்தித்தது. ரசிகர்கள் மற்றும் விமர்சகர்கள் சிலர் படம் எதிர்பார்த்த அளவிற்கு சரியாக இல்லை எனக் கூறினாலும், பலர் சூர்யாவின் நடிப்பை பாராட்டியுள்ளனர்.
முதல் நாள் வசூல் தகவல்:
இந்த நிலையில், ரெட்ரோ திரைப்படம் வெளியான முதல் நாளில் உலகளவில் ரூ. 28 கோடிக்கும் மேல் வசூல் செய்துள்ளது. இது சூர்யாவின் திரைப்படங்களுக்கு கிடைத்துள்ள மிக உயர்ந்த முதல் நாள் வசூல்களில் ஒன்றாகும்.
