மயிலாடுதுறை அருகே நீர் தேக்க தொட்டியில் மலம் காணப்பட்ட விவகாரம், மாவட்ட ஆட்சியர் நேரில் ஆய்வு, புதிய நீர்த்தேக்க தொட்டி கட்ட நடவடிக்கை எடுக்கப்பட்டுள்ளதாக மாவட்ட ஆட்சியர் தகவல் :-
மயிலாடுதுறை மாவட்டம், வில்லியநல்லூர் ஊராட்சிக்கு உட்பட்ட பன்னீர்வெளி கிராமத்தில் மேல்நிலை நீர் தேக்க குடிநீர் தொட்டியின் மேல் இன்று மனித கழிவு காணப்பட்டது. சம்பவம் குறித்து செய்திகள் பரவிய நிலையில், தொட்டியில் உள்ள தண்ணீரை அதிகாரிகள் வெளியேற்றினர். சம்பவம் நடைபெற்ற இடத்தில் மாவட்ட ஆட்சியர் ஸ்ரீகாந்த், மாவட்ட காவல்துறை கண்காணிப்பாளர் சினேகபிரியா ஆகியோர் நேரில் ஆய்வு செய்தனர். தொடர்ந்து செய்தியாளர்கள் கேள்விக்கு பதில் அளித்த மாவட்ட ஆட்சியர் ஸ்ரீகாந்த், தொட்டியை சுத்தப்படுத்த நடவடிக்கை எடுக்கப்பட்டுள்ளதுடன், புதிய தொட்டி கட்ட உத்தரவிடப்பட்டுள்ளதாக தெரிவித்தார், முன்னதாக மாவட்ட காவல்துறை சார்பில் வெளியிடப்பட்டுள்ள செய்தி குறிப்பில், அப்பகுதியைச் சேர்ந்த சிறுவன் ஒருவன் தீபாவளி தினத்தன்று, எந்தவித உள்நோக்கமும் இன்றி இந்த நடவடிக்கையில் ஈடுபட்டுள்ளதாகவும் தெரிவிக்கப்பட்டுள்ளது.
பைட்: –
மாவட்ட ஆட்சியர் ஸ்ரீகாந்த்
