சசிகுமார் மற்றும் சிம்ரன் இணைந்து நடித்த டூரிஸ்ட் ஃபேமிலி திரைப்படம் கடந்த மே மாதம் வெளியாகி விமர்சன ரீதியாகவும், வசூல் ரீதியாகவும் பெரும் வெற்றியை பெற்றது. அறிமுக இயக்குநராக அபிஷன் ஜீவின்ந்த் இப்படத்தை இயக்கி இருந்தார்.
இப்படத்தில் மிதுன் ஜெய்சங்கர், கமலேஷ், யோகி பாபு, ரமேஷ் திலக், எம். எஸ். பாஸ்கர் மற்றும் பகவதி பெருமாள் ஆகியோரும் முக்கிய கதாப்பாத்திரங்களில் நடித்திருந்தனர். இலங்கையைச் சேர்ந்த தமிழ் குடும்பம் தமிழ்நாட்டுக்கு அகதிகளாக வந்து சந்திக்கும் சவால்களை நகைச்சுவை கலந்த நெஞ்சை உருக்கும் விதத்தில் கூறியதாலேயே படம் பெரும் வரவேற்பைப் பெற்றது.
படத்தை பார்த்த பிரபலங்கள் பலரும் இயக்குநர் மற்றும் குழுவினரை பாராட்டினர். ரசிகர்களிடையே இப்படம் இடம்பிடித்து, வணிக ரீதியாகவும் வெற்றிகரமாக அமைந்தது.
இந்நிலையில், தனது முதல் படத்திலேயே கவனம் பெற்ற இயக்குநர் அபிஷன் ஜீவின்ந்த், தனது அடுத்த முயற்சியில் கதாநாயகனாகவே அறிமுகமாக இருப்பதாக தகவல்கள் வெளியாகியுள்ளன. அவரை நாயகனாக வைத்து டூரிஸ்ட் ஃபேமிலி படத்தின் இணை இயக்குநர் இந்த புதிய திரைப்படத்தை இயக்கவுள்ளார்.
இந்த படத்தில் கதாநாயகியாக அனஸ்வர ராஜன் நடிக்கவிருக்கிறார். மேலும், சிம்பு நடித்த மன்மதன் படத்தில் பிரபலமான ஆங்கில வார்த்தை ஒன்றை படத்தின் தலைப்பாக வைத்திருக்க திட்டமிடப்பட்டுள்ளதாகவும் தகவல்கள் தெரிவிக்கின்றன.