அறிமுக இயக்குநர் விக்னேஷ் ஸ்ரீகாந்த் இயக்கத்தில் அர்ஜுன் தாஸ் மற்றும் அதிதி ஷங்கர் முக்கிய கதாபாத்திரங்களில் நடித்து வரும் திரைப்படம் ‘ஒன்ஸ் மோர்’.
இந்தப் படத்திற்கு அரவிந்த் விஸ்வநாதன் ஒளிப்பதிவாளராக பணியாற்றி வருகிறார். நாஷ் படத்தொகுப்பையும் கவனிக்கிறார். கலை இயக்கத்தை ராஜ் கமல் கவனிக்க, ஆடைகளின் வடிவமைப்பை நவா ராஜ்குமார் மேற்கொண்டு உள்ளார்.
இசையமைப்பாளராக ஹேஷம் அப்துல் வஹாப் செயல்படுகிறார். இவர் ஏற்கனவே ‘ஹருதயம்’, ‘இனி உதரம்’, ‘சேஷம் மைக்-இல் ஃபாதிமா’, ‘குஷி’, ‘ஹை நானா’ போன்ற வெற்றிப்படங்களுக்கு இசையமைத்தவர் என்பது குறிப்பிடத்தக்கது.
படத்தின் சில பாடல்கள் ஏற்கனவே வெளியாகி நல்ல வரவேற்பைப் பெற்றுள்ளன. இந்நிலையில், ‘மீண்டுமா?’ என்ற அடுத்த பாடலை நாளை மாலை 5 மணிக்கு வெளியிட இருப்பதாக படக்குழு அதிகாரப்பூர்வ வீடியோவொன்றை வெளியிட்டு அறிவித்துள்ளது.