தமிழ் சினிமாவில் தினமும் பல பாடல்கள் வெளியாகினாலும், சில பாடல்கள் மட்டும் தமிழ்நாட்டைத் தாண்டி உலகம் முழுவதும் செம்ம வைரலாகிப் போகும். அப்படிப்பட்ட பட்டியலில் இடம் பிடித்த பாடல் ஒன்று விளையாட்டாக உருவாக்கப்பட்டதே என்றால் நம்ப முடியுமா?
இந்த விவகாரத்தை நேரடியாக பகிர்ந்து கொண்டவர் நடிகர் தனுஷ். உலகளவில் பெரும் வரவேற்பைப் பெற்ற அந்த பாடல் பற்றி துபாயில் நடந்த வாட்ச் வீக் நிகழ்ச்சியில் அவர் பேசினார்.
நிகழ்ச்சியில், “‘3’ படத்தில் வந்த ‘ஒய் திஸ் கொலவெறி’ உலகம் முழுவதும் இவ்வளவு பிரபலமாகும் என எதிர்பார்த்தீர்களா?” என்று அவரைக் கேட்டனர்.
அதற்கு தனுஷ், “அது விளையாட்டாக உருவாக்கிய ஒரு பாடல். இத்தனை பெரிய வரவேற்பு கிடைக்கும் என்று கனவில் கூட நினைக்கவில்லை. நான் பாடலை விட்டு ஓடினாலும், அது என்னைத் துரத்திக்கொண்டே வருகிறது!” என்று நகைச்சுவையுடன் தெரிவித்தார்.
2011ல் வெளியான ‘3’ படத்தில் இடம்பெற்ற இந்தப் பாடல், யூடியூப் முதல் சர்வதேச இசை பட்டியல்கள் வரை செம கலக்கத்தை ஏற்படுத்தி, தமிழ்ப் பாடலுக்கு உலகளவில் கிடைத்த மிகப்பெரிய வரவேற்புகளில் ஒன்றாக உயர்ந்தது.