சீர்காழி அரசு மருத்துவமனையில் உணவுத்துறை அமைச்சர் திடீர் ஆய்வு நோயாளிகள் அவதி

சீர்காழி அரசு மருத்துவமனையில் உணவுத்துறை அமைச்சர் திடீர் ஆய்வு மேற்கொண்ட போது அவரது வாகனம் தீவிர சிகிச்சை பிரிவு வாயிலில் 108 ஆம்புலன்ஸ்க்கு இடையூறாக நின்றதால் நோயாளிகள் அவதி , மருத்துவமனை உள்ளே செல்ல முடியாமல் தவித்த 108ஆம்புலன்ஸ் :-

மயிலாடுதுறை மாவட்டம் சீர்காழி அரசு மருத்துவமனையில் உணவு மற்றும் உணவுப்பொருள் வழங்கல் துறை அமைச்சர் வெங்கட்ரமணன் அங்குள்ள சிகிச்சை வசதிகள் குறித்து ஆய்வு மேற்கொண்டார். புறநோயாளிகள் பிரிவு, அவசர சிகிச்சைப் பிரிவு மற்றும் உள்நோயாளிகள் பிரிவுகளுக்கு நேரில் சென்ற அவர், நோயாளிகளுக்குத் தேவையான அடிப்படை வசதிகள் முறையாகக் கிடைக்கிறதா என ஆய்வு செய்தார். அப்போது அரசு மருத்துவமனைக்கு 108 ஆம்புலன்ஸ் அவசர அவசரமாக தீவிர சிகிச்சை பிரிவிற்கு வந்தது. அப்போது தீவிர சிகிச்சை பிரிவின் வாயிலில் அமைச்சர் , அதிகாரிகள் மற்றும் தவெகவினர் வாகனங்கள் நெடுந்தூரம் நின்றதால் உள்ளே செல்ல முடியாமல் 108 ஆம்புலன்ஸ் மருத்துவமனை வாசலிலேயே நிறுத்தப்பட்டது. இதனைக் கண்டு அதிர்ச்சி அடைந்த ஊழியர்கள் அங்கிருந்த ஸ்ட்ரெச்சரில் நோயாளியை அழைத்துச் சென்றனர் . பின்னர் அங்கிருந்து இருசக்கர வாகனங்களை காவலர்கள் அங்குமிக்கும் நகர்த்தி ஸ்ட்ரக்சரில் வந்த நோயாளிக்கு மருத்துவமனைக்கு உள்ளே செல்ல வழியை ஏற்படுத்தினர். இதனால் மருத்துவமனைக்கு வந்த நோயாளிகள் கடும் அவதிக்கு உள்ளாகினர். சீர்காழி மருத்துவமனையின் உள்ளே அமைச்சர் மற்றும் கட்சி நிர்வாகிகளின் கார்கள் நோயாளிகளுக்கு இடையூறாக சூழ்ந்து நின்ற இந்த சம்பவம் பொதுமக்கள் மத்தியில் பெரும் அதிர்ச்சியை ஏற்படுத்தியுள்ளது.