பெற்றோரை வீட்டை விட்டு வெளியேற்றிய மகன்– ஆட்சியர் அலுவலகம் முன்பு தந்தை தற்கொலைக்கு முயற்சித்ததால் பரபரப்பு:-
மயிலாடுதுறை மாவட்டம் கோமல் அம்பேத்கர் தெருவை சேர்ந்த 75 வயதான கோபால்சாமி மற்றும் அவரது மனைவி பானு. இவர்களுக்கே 5 மகன்கள் ஒரு மகள் உள்ளனர். கடைசி மகன் ரஞ்சித் என்பவருக்கு மட்டும் திருமணம் ஆகவில்லை. கோபால் சாமிக்கும் மூத்த மகனுக்கும் சொத்து பிரச்சனை உள்ளது. இந்நிலையில்
மூத்த மகன் சந்திரமோகன் மற்றும் அவரது மனைவி கலைச்செல்வி ஆகியோர் தங்களை வீட்டை விட்டு வெளியேற்றியதாக கூறி, பெற்றோர் மற்றும் மூத்த குடிமக்கள் பராமரிப்பு மற்றும் நல்வாழ்வு சட்டத்தின் அடிப்படையில்
கோபால்சாமி மயிலாடுதுறை மூத்தகுடிமக்கள் தீர்ப்பாய நடுவர் கோட்டாட்சியரிடம் மனு அளித்திருந்தார்.
இதையடுத்து கோபால்சாமியின் வீட்டிற்கு நேரில் சென்ற கோட்டாட்சியர் விஷ்ணு பிரியா விசாரணை மேற்கொண்டார். அதில், வீட்டின் முன்பகுதியில் கோபால்சாமியும் அவரது மனைவியும், பின்பகுதியில் சந்திரமோகனும் அவரது மனைவி கலைச்செல்வியும் வசிக்க வேண்டும் என உத்தரவிடப்பட்டது.
ஆனால், கோட்டாட்சியர் உத்தரவிட்டு ஒரு மாதமாகியும் நடவடிக்கை எடுக்கப்படவில்லை என கோபால்சாமி குற்றச்சாட்டி தான் சாலையோரத்தில் வெயிலிலும் குளிரிலும் தவித்து வருவதாகவும், பலமுறை மாவட்ட ஆட்சியரிடம் மனு அளித்தும் நடவடிக்கை எடுக்கப்படவில்லை என்று கூறி இன்று மயிலாடுதுறை மாவட்ட ஆட்சியர் அலுவலகத்திற்கு மனைவியுடன்
மனு அளிக்க நிலையில், திடீரென தனது உடலில் மண்எண்ணையை ஊற்றி தீக்குளிக்க முயன்றார். .அப்போது அங்கு பாதுகாப்புப் பணியில் இருந்த போலீசார் அவரை தடுத்து, சமாதானப்படுத்தினர். பின்னர் 108 ஆம்புலன்ஸ் மூலம் மயிலாடுதுறை அரசு பெரியார் மருத்துவமனைக்கு சிகிச்சைக்காக அனுப்பி வைக்கப்பட்டார். கோட்டாட்சியர் உத்தரவிட்டும் நடவடிக்கை இல்லை எனக்கூறும் முதியவர் – ஆட்சியர் அலுவலகத்தில் தற்கொலைக்கு முயன்ற சம்பவம் மயிலாடுதுறையில் பரபரப்பை ஏற்படுத்தியுள்ளது.
