விழுப்புரம் நகராட்சி கூட்டத்தில் உதயநிதி ஸ்டாலின் படத்திற்கு எதிர்ப்பு – அதிமுக, காங்கிரஸ் உறுப்பினர்கள் அமளி
விழுப்புரம் நகராட்சி கூட்டத்தில் முன்னாள் துணை முதலமைச்சர் உதயநிதி ஸ்டாலின் படத்தை வைப்பதற்கு அதிமுக மற்றும் காங்கிரஸ் நகர்மன்ற உறுப்பினர்கள் கடும் எதிர்ப்பு தெரிவித்ததால் பரபரப்பு ஏற்பட்டது. கூட்டத்தின்போது, மக்கள் மன்றத்தில் முன்னாள் முதலமைச்சர்கள் அல்லது அரசியல் தலைவர்களின் படங்களை வைக்கக் கூடாது என்றும், கட்சி சார்ந்த படங்களை வைக்க வேண்டுமெனில் கட்சி அலுவலகங்களில் வைத்துக் கொள்ள வேண்டும் என்றும் காங்கிரஸ் மற்றும் அதிமுக உறுப்பினர்கள் நகர்மன்றத் தலைவரிடம் வலியுறுத்தினர்.
மேலும், “அடுத்த கூட்டத்திலும் உதயநிதி ஸ்டாலின் படத்தை வைத்தால், நாங்களும் எதிர்க்கட்சித் தலைவர் எடப்பாடி கே. பழனிசாமி மற்றும் பெருந்தலைவர் காமராஜர் படங்களை கொண்டு வந்து வைப்போம்” என்று முழக்கமிட்டனர்.
இதனால் திமுக, அதிமுக மற்றும் காங்கிரஸ் நகர்மன்ற உறுப்பினர்களுக்கு இடையே கடும் வாக்குவாதம் ஏற்பட்டது. இதன் காரணமாக கூட்டத்தில் சிறிது நேரம் பரபரப்பான சூழல் நிலவியது
