உலகக்கோப்பை தொடரை போலவே, ஐசிசி (ICC) சார்பில் டெஸ்ட் போட்டிகளுக்காகவும் “உலக டெஸ்ட் சாம்பியன்ஷிப்” (WTC) நடத்தப்பட்டு வருகிறது. 2023-25 உலக டெஸ்ட் சாம்பியன்ஷிப் இறுதிப்போட்டி அடுத்த மாதம் லண்டனில் நடைபெற இருக்கிறது. இதில் ஆஸ்திரேலியா மற்றும் தென்னாப்பிரிக்கா அணிகள் மோத உள்ளன.
இந்த தொடரில், இந்தியா, நியூசிலாந்து மற்றும் பிற அணிகளை பின்னுக்குத் தள்ளி, ஆஸ்திரேலியா மற்றும் தென்னாப்பிரிக்கா பைனலுக்கு முன்னேறின. இந்திய அணி, ஆஸ்திரேலியா மற்றும் நியூசிலாந்து அணிகளிடம் தோல்வியடைந்ததன் காரணமாக, இறுதிப் போட்டிக்குத் தகுதியடையவில்லை.
இந்தநிலையில், உலக டெஸ்ட் சாம்பியன்ஷிப் 2023-25 தொடருக்கான பரிசுத் தொகையை ஐசிசி தற்போது அதிகாரப்பூர்வமாக அறிவித்துள்ளது.
அதன்படி :
சாம்பியன் அணிக்கு ரூ.30.78 கோடி
இறுதிப் போட்டியில் தோல்வியடையும் அணிக்கு ரூ.18.46 கோடி
மேலும், புள்ளிப் பட்டியல் அடிப்படையில் மற்ற அணிகளுக்கும் பரிசுத்தொகை வழங்கப்படுகிறது :
3வது இடம் – இந்தியா: ரூ.12.33 கோடி
4வது – நியூசிலாந்து: ரூ.10.28 கோடி
5வது – இங்கிலாந்து: ரூ.8.22 கோடி
6வது – இலங்கை: ரூ.7.19 கோடி
7வது – வங்காளதேசம்: ரூ.6.17 கோடி
8வது – வெஸ்ட் இண்டீஸ்: ரூ.5.14 கோடி
9வது – பாகிஸ்தான்: ரூ.4.11 கோடி
இந்த பரிசுத் தொகை அறிவிப்பால், போட்டிக்குள் சேராத அணிகளுக்கும் ஐசிசி நிவாரணம் வழங்கியுள்ளது.
