Today Headlines | தலைப்புச் செய்திகள் - 22 August 2025

Today Headlines | தலைப்புச் செய்திகள் – 22 August 2025 | Retro tamil

இந்திய பொருட்களுக்கு 50 சதவீதம் அமெரிக்கா வரி விதிப்பதற்கு எதிர்ப்பு தெரிவிக்கிறோம், என நம் நாட்டுக்கான சீன தூதர் கூறியுள்ளார்.
முகவரி இல்லாத கடிதத்துக்கு நான் பதில் போடலாமா, என மதுரையில் நடந்த தவெக மாநாட்டில் விஜய் பேசியது குறித்த கேள்விக்கு ராஜ்யசபா எம்பி கமல் பதிலளித்தார்.
சிலர் அதிமுக யார் கையில் இருக்கிறது என்று கேட்கிறார்கள், பாவம் அறியாமையில் பேசுகிறார்கள். இதுகூட தெரியாமல் கட்சிக்குத் தலைவராக இருந்தால் உங்களை நம்பி எப்படி தொண்டர்கள் இருப்பார்கள், என அதிமுக பொதுச்செயலாளர் இபிஎஸ் கூறியுள்ளார்.
வரும் 2026 சட்டசபை தேர்தலில் திமுக – தவெக இடையேதான் போட்டி, மதுரையில் நடந்த மாநாட்டில் விஜய் பேசினார்.
ரஷ்யா சென்றுள்ள வெளியுறவு அமைச்சர் ஜெய்சங்கர், அந்நாட்டு அதிபர் புடினை சந்தித்து ஆலோசனை நடத்தினார்.
இஸ்ரோ தனது முதல் ககன்யான் சோதனைப் பணியை டிசம்பரில் தொடங்கும் என இஸ்ரோ தலைவர் நாராயணன் அறிவித்தார்.
பார்லி மழைக்கால கூட்டத்தொடர் நிறைவு பெற்றது. லோக்சபாவை தேதி குறிப்பிடாமல் சபாநாயகர் ஓம் பிர்லா ஒத்திவைத்தார். இந்த அமர்வில் 14 மசோதாக்கள் அறிமுகம் செய்யப்பட்டுள்ளது. 37 மணி நேரம் விவாதம் நடந்துள்ளது.
சீனாவை எதிர்க்கொள்ள அமெரிக்காவுக்கு இந்தியாவின் தயவும், உறவும் மிகவும் அவசியம்” என இந்திய வம்சாவளியைச் சேர்ந்த நிக்கி ஹாலே தெரிவித்துள்ளார்.
பணம் வைத்து விளையாடும், ‘ஆன்லைன்’ விளையாட்டுகளுக்கு தடை விதிக்கும் வகையிலான, ‘ஆன்லைன் கேமிங்’ ஒழுங்குமுறை மற்றும் மேம்பாட்டு சட்ட மசோதா ராஜ்யசபாவில் நிறைவேற்றப்பட்டது. இது சட்டமானால், விதிகளை மீறுவோருக்கு மூன்று ஆண்டுகள் சிறை அல்லது 1 கோடி ரூபாய் வரை அபராதம் விதிக்கப்படும்.
இது ஒட்டுமொத்த தேசத்தின் திட்டம், களத்தில் நீங்கள் கற்றுக் கொள்வதிலிருந்து இந்த அனுபவம் மிகவும் வித்தியாசமானது. வார்த்தைகளால் விவரிக்க முடியாத அனுபவம் என்று சர்வதேச விண்வெளி நிலையத்திற்கு சென்று வந்த அனுபவம் குறித்து இந்திய விண்வெளி வீரர் சுபான்ஷு சுக்லா தெரிவித்தார்.

No Result