Today Headlines | தலைப்புச் செய்திகள் - 19 August 2025

Today Headlines | தலைப்புச் செய்திகள் – 19 August 2025 | Retro tamil

மத்திய அரசை பின்பற்றி, மாநில உயர் கல்வி நிறுவனங்களின் தர வரிசை பட்டியலை வெளியிட, தமிழக உயர் கல்வித்துறை முடிவு செய்துள்ளது. அடுத்த ஆறு மாதங்களில், தர வரிசை பட்டியல் வெளியாகும் என்று கூறப்படுகிறது.
ஆசிரியர் இயக்கங்களின் கூட்டு நடவடிக்கை குழுவான, ‘டிட்டோ – ஜாக்,’ தன் 10 அம்ச கோரிக்கை களை நிறைவேற்ற, நான்கு நாட்கள் கெடு விதித்துள்ளது.
விரைவில் உக்ரைனில் அமைதி திரும்பும் என உக்ரைன் அதிபர் ஜெலஸ்கியிடம் அமெரிக்க அதிபர் டிரம்ப் தெரிவித்துள்ளதையடுத்து ஐரோப்பிய நாடுகளின் தலைவர்களும் டிரம்ப்பை சந்தித்து பேசினர்.
தலைமை தேர்தல் கமிஷனர் ஞானேஷ் குமாருக்கு எதிராக, பார்லிமெடில், ‘இம்பீச்மென்ட்’ எனப்படும், பதவி நீக்க தீர்மானம் கொண்டு வர எதிர்க்கட்சிகள் ஆலோசனையை துவங்கியுள்ளன.
அமைச்சர் ஐ.பெரியசாமி மற்றும் அவரது மகன்கள், மகள் வீடுகளில் நடத்தப்பட்ட சோதனையில், அவர்கள் சட்டவிரோத பண பரிமாற்றத்தில் ஈடுபட்டதற்கான ஆவணங்கள் பறிமுதல் செய்யப்பட்டு, ஆய்வு பணி நடக்கிறது’ என, அமலாக்கத்துறை அதிகாரிகள் தெரிவித்துள்ளனர்.
டி.என்.பி.எஸ்.சி., தேர்வில், அரசியல் கொள்கை சார்ந்த கேள்விகள் தொடர்ந்து கேட்கப்படுவதால், தேர்வர்கள் அதிருப்தி அடைந்துள்ளனர்.
மதரசா வாரியத்தில் பதிவு செய்யப்பட்ட அல்லது பதிவு செய்யப்படாத மதரசா பள்ளிகள், அடுத்தாண்டு ஜூலை 1க்குள் மாநில கல்வி வாரியத்தில் இணைய வேண்டும். இல்லையெனில், அவை மூடப்படும்’ என, உத்தராகண்ட் அரசு தெரிவித்துள்ளது.
தேசிய நெடுஞ்சாலையில் 65 கி.மீ., துாரத்தை கடக்க, ஒரு வாகன ஓட்டி 12 மணி நேரம் வரை காத்திருக்க நேரும்போது, எதற்காக 150 ரூபாய் சுங்கக் கட்டணம் செலுத்த வேண்டும்? என, உச்ச நீதிமன்றம் கேள்வி எழுப்பியுள்ளது.
நாமக்கலில் நடந்த சிறுநீரக முறைகேட்டை தொடர்ந்து, கல்லீரல் திருட்டும் நடந்திருப்பதாக புகார்கள் எழுந்துள்ள நிலையில், ஐ.ஏ.எஸ்., வினித் தலைமையில் மீண்டும் விசாரணையை துவங்க மக்கள் நல்வாழ்வு துறை உத்தரவிட்டுள்ளது.
ஆப்பரேஷன் சிந்தூர் நடவடிக்கைக்கு பிறகு முதல்முறையாக அடுத்த மாதம் கோல்கட்டாவில் ராணுவத்தின் மூத்த அதிகாரிகளை பிரதமர் மோடி சந்திக்க உள்ளார்.மத்திய பாதுகாப்பு அமைச்சகத்தின் அதிகாரிகள் உட்பட முப்படைகளை சேர்ந்த மூத்த அதிகாரிகள் கலந்து கொள்ள உள்ளனர்.

No Result