Today Headlines | தலைப்புச் செய்திகள் - 17 August 2025

Today Headlines | தலைப்புச் செய்திகள் – 17 August 2025 | Retro tamil

ஆட்சியாளரை குறை சொல்லி என்ன பயன்? ஆட்சியாளனை அந்த அதிகாரத்தில் அமர வைத்த மக்கள்தான் பொறுப்பு. என் மக்கள் செய்த பிழை அதனை அனுபவிக்கிறோம், என நாம் தமிழர் கட்சி ஒருங்கிணைப்பாளர் சீமான் கூறியுள்ளார்.
சென்னை சேப்பாக்கத்தில் உள்ள எம்எல்ஏ விடுதி வளாகத்தில் அத்துமீறி நுழைந்ததாக அமலாக்கத்துறை அதிகாரிகள் மீது திருவல்லிக்கேணி போலீசார் வழக்குப்பதிவு செய்து உள்ளனர்.
அன்புமணியுடன் சமாதானம் ஏற்பட்டதாக கூறுவது பொய் என பாமக நிறுவனர் ராமதாஸ் தெரிவித்துள்ளார்.
மதுரையில் நடைபெறும் தவெக மாநில மாநாட்டு பணிகளுக்காக மேலும் 5 குழுக்களை அமைத்து, அக்கட்சியின் தலைவரும், நடிகருமான விஜய் அறிவிப்பு வெளியிட்டுள்ளார்.
மத்திய உள்துறை அமைச்சர் அமித் ஷா, வரும் 22ம் தேதி தமிழகம் வருகிறார். திருநெல்வேலியில் நடைபெறும் பா.ஜ., பூத் கமிட்டி நிர்வாகிகள் மாநாட்டில் பங்கேற்கிறார்.
ஹீத்ரோவிலிருந்து நியூயார்க் சென்ற பிரிட்டீஷ் ஏர்வேஸ் விமானத்தின் பைலட், பயணம் முழுவதும் காக்பிட் கதவை திறந்து வைத்திருந்ததால் இடைநீக்கம் செய்யப்பட்டார்.
ஹிமாச்சல பிரதேசத்தில் பெய்த கனமழை மற்றும் அதனை சார்ந்த விபத்துகளில் சிக்கி இதுவரை 257 பேர் உயிரிழந்துள்ளனர்.
ரஷ்யாவிடம் கச்சா எண்ணெய் வாங்குவதற்காக இந்தியா மீது கூடுதல் வரி விதிப்பது குறித்து தற்போது பரிசீலனை செய்யப்போவதில்லை எனவும், 2- 3 வாரங்களுக்கு பிறகு முடிவு செய்யப்படும் என அதிபர் டிரம்ப் கூறியுள்ளார்.
தேர்தல் கமிஷன் சார்பில் நாளை பத்திரிகையாளர் சந்திப்புக்கு ஏற்பாடு செய்யப்பட்டுள்ளது. அப்போது காங்கிரஸ் எம்பி ராகுலின் குற்றச்சாட்டு தொடர்பாக விளக்கம் அளிக்கப்படும்.
அலாஸ்காவில் அதிபர்கள் டிரம்ப் – புடின் நடத்திய பேச்சுவார்த்தையை வரவேற்கிறோம், என இந்தியா தெரிவித்துள்ளது.

No Result