Today Headlines | தலைப்புச் செய்திகள் - 02 August 2025

Today Headlines | தலைப்புச் செய்திகள் – 02 August 2025 | Retro tamil

முதல்வர் ஸ்டாலினை தொலைபேசியில் தொடர்பு கொண்ட பாமக நிறுவனர் ராமதாஸ் உடல்நலன் குறித்து விசாரித்தார்.
சென்னையில் இருந்து, குவைத் செல்லும் ஏர் இந்தியா எக்ஸ்பிரஸ் பயணிகள் விமானம், ஓடுபாதையில் ஓடத் தொடங்கிய போது, திடீரென ஏற்பட்ட இயந்திர கோளாறு காரணமாக, விமானம் அவசரமாக ஓடுபாதையில் நிறுத்தப்பட்டது. இதனால், அதில் இருந்த 191 பேர் உயிர் தப்பினர்.
தமிழகம் வரும் பிரதமர் மோடியுடன் ஓ. பன்னீர்செல்வத்தை சந்திக்க ஏற்பாடு செய்வேன் என்று தமிழக பாஜக தலைவர் நயினார் நாகேந்திரன் கூறியுள்ளார்.
சட்டம் ஒழுங்கில் தமிழக அரசு கவனம் செலுத்தவில்லை. அது எங்கு இருக்கிறது. எந்த நேரத்தில் என்ன நடக்கும் என்று தெரியாத ஒரு நாடாக மாறி கொண்டு உள்ளது,” என நாம் தமிழர் கட்சி ஒருங்கிணைப்பாளர் சீமான் கூறியுள்ளார்.
நிமிஷா பிரியாவின் தூக்கு தண்டனை ஒத்தி மட்டுமே வைக்கப்பட்டு உள்ளதாக வெளியுறவுத்துறை அமைச்சகம் அதிகாரப்பூர்வமாக அறிவித்துள்ளது.
அரசின் திட்டங்களுக்கு உயிருடன் இருக்கும் தலைவர்களின் பெயர்கள் மற்றும் படங்களைப் பயன்படுத்துவதற்கு சென்னை ஐகோர்ட் தடை விதித்துள்ளது. அதிமுக முன்னாள் அமைச்சர் சி.வி.சண்முகம் தொடர்ந்த வழக்கில் ஐகோர்ட் இந்த உத்தரவை பிறப்பித்துள்ளது.
ஆக.17ம் தேதி பாமக சிறப்பு பொதுக்குழுக் கூட்டம் நடைபெறும் என்று அக்கட்சியின் நிறுவனர் ராமதாஸ் அறிவித்துள்ளார்.
கடந்த 2023ம் ஆண்டுக்கான தேசிய திரைப்பட விருதுகள் இன்று அறிவிக்கப்பட்டன. தமிழில் வெளியான ‘பார்க்கிங்’ படத்துக்கு 3 தேசிய விருதுகள் அறிவிக்கப்பட்டு உள்ளது. சிறந்த படம், சிறந்த திரைக்கதைக்காக இந்த படம் தேர்வாகியது. மேலும், இதில் நடித்த எம்.எஸ்.பாஸ்கர் சிறந்த துணை நடிகர் விருதை பெறுகிறார்.
கடந்த ஜூலை மாதத்துக்கான நாட்டின் ஜி.எஸ்.டி., வசூல் 1.96 லட்சம் கோடி ரூபாய் ஆக அதிகரித்து உள்ளது. இது கடந்த ஆண்டு(2024) ஜூலை மாதம் வசூலான 1.73 லட்சம் கோடியை விட 7.5 சதவீதம் அதிகம் ஆகும்.
கஞ்சா உள்ளிட்ட போதைப் பொருள்கள் விற்பனையைக் கண்டுகொள்ளாமல் திமுக அரசு இருக்கிறது என்று பாஜக முன்னாள் தலைவர் அண்ணாமலை தெரிவித்துள்ளார்.

No Result