“தமிழகத்தில் தற்போது ஜனநாயக ஆட்சி இல்லாமல், முதல்வர் மு.க. ஸ்டாலின் மற்றும் அவரது மகனைச் சுற்றியுள்ள ‘தம்பிகள்’ ஆட்சி நடக்கிறது” என மத்திய இணை அமைச்சர் எல். முருகன் கடுமையாக சாடியுள்ளார்.
கோவை மாவட்டம் மேட்டுப்பாளையம் முகாமில் செய்தியாளர்களை சந்தித்த அவர், திமுக அரசின் செயல்பாடுகளை மோசமாக விமர்சித்தார்.
“மக்களை படுகுழியில் தள்ளிய அரசு”
4 ஆண்டுகளாக திமுக அரசு சொத்து வரி, மின் கட்டணம், பத்திர பதிவு கட்டணம் போன்றவற்றை உயர்த்தி, மக்களின் மீது பொருளாதார சுமையை கட்டாயம் சுமத்தியுள்ளதாக குற்றம்சாட்டியுள்ளார்.
“பாதுகாப்பு ஏன் தரவில்லை ?”
திருத்தணியில் நடந்த ஒரு சம்பவத்தை எடுத்துக்காட்டிய அவர், புகார் அளிக்க சென்ற கர்ப்பிணிப் பெண்ணே போலீசால் தாக்கப்பட்டதாக குற்றஞ்சாட்டினார். மாநிலத்தில் காவல்துறை 24 லாக் அப் மரணங்களுக்கு காரணமாக இருப்பதாகவும் அவர் குறிப்பிட்டார்.
“ஆன்மிக எழுச்சி, சமூக நீதி வீழ்ச்சி”
முருக பக்தர்கள் மாநாட்டில் மக்கள் காட்டிய ஆதரவை மேற்கோளாக எடுத்த அவர், “தமிழகம் ஆன்மிக பூமி என்பதை மீண்டும் நிரூபித்துள்ளோம்” என்றார். அதேவேளை, சமூக நீதி விடுதிகளில் அடிப்படை வசதிகள் இல்லாமல் மாணவர்கள் தவிப்பதாகவும் சுட்டிக்காட்டினார்.
“வெற்று விளம்பர அரசியல்”
முதல்வர் ஸ்டாலின் நேரில் ஆய்வு செய்து சமூக நீதி விடுதிகளை மேம்படுத்த வேண்டும் என்ற அவர், “மத்திய பிரதேசத்தில் எஸ்.சி., எஸ்.டி. மாணவ விடுதிகள் எப்படி உள்ளது என்பதை பார்த்து இங்கு அமல்படுத்த வேண்டும்” என பரிந்துரை செய்தார்.
“கஞ்சா, மதுவால் இளம்பெண்கள் பாதிப்பு”
தமிழக கிராமங்களில் கஞ்சா, மதுபழக்கம் அதிகரித்துள்ளதைப் பட்டியலிட்ட அவர், “ஒவ்வொரு கிராமத்திலும் 20 முதல் 25 இளம் விதவைகள் இருப்பது வருத்தமளிக்கிறது” என வர்ணித்தார்.
“நாடாளுமன்றத் தேர்தல் நிலை”
திமுகவை வீடுகொடுத்துவிடும் நேரம் வந்துவிட்டதாக அவர் கூறியுள்ளார். நடிகர் விஜய் முதன்முறையாக 3 நிமிடம் மட்டுமே பேசியதாகவும், அவரின் அரசியல் பயணத்தை பொறுத்திருந்து பார்ப்போம் என்றும் தெரிவித்துள்ளார்.
“தேசிய கல்விக் கொள்கை, மத்திய நிதிகள்”
தேசிய கல்விக் கொள்கையை திமுக அரசு வெளியே எதிர்த்தாலும், டில்லியில் கையெழுத்திட்டு உள்ளூர் அரசியலுக்காக திருப்பிக் காட்டுவதாக அவர் குற்றஞ்சாட்டினார். கடந்த 11 ஆண்டுகளில் ரூ.11 லட்சம் கோடி வளர்ச்சி நிதி வழங்கப்பட்டுள்ளதாகவும் கூறினார்.
“யுனெஸ்கோ பாரம்பரிய முயற்சி”
திருக்குறள் மொழிபெயர்ப்பு, செஞ்சி கோட்டை யுனெஸ்கோ பாரம்பரிய அங்கீகாரம் ஆகியவற்றிலும் மத்திய அரசு முக்கிய பங்கு வகித்ததாக தெரிவித்தார்.
“அ.தி.மு.க.வின் நிலை”
“தே.ஜ.க. கூட்டணியின் தமிழக தலைவர் இ.பி.எஸ். தான். திமுக கூட்டணியில் இருக்கும் விடுதலை சிறுத்தைகள், மா.கம்யூனிஸ்ட்கள் எப்போது வெளியே வரும் என்ற எதிர்பார்ப்பு தான் உள்ளது. திருமாவளவனுக்கு துணை முதல்வர் பதவி வழங்கப்படுமா என்பதை பொறுத்திருந்து பார்ப்போம்” என விமர்சித்தார்.
“உள்கட்டமைப்பு கோரிக்கை”
மேட்டுப்பாளையத்தில் புறநகர் சாலை அமைப்பது மற்றும் போக்குவரத்து சிக்கல்களைத் தீர்ப்பதற்காக மத்திய அமைச்சர் நிதின் கட்கரியிடம் நேரில் சந்தித்து கோரிக்கை வைத்துள்ளேன் எனவும் எல்.முருகன் தெரிவித்தார்.
