அமெரிக்காவில் நியூயார்க் நகரின் சிறந்த 100 உணவகங்கள் பட்டியலில் தமிழகம் மற்றும் கேரள உணவுகளை வழங்கி வரும் ‘SEMMA’ உணவகம் முதலிடம் பிடித்திருக்கிறது. நியூயார்க் நகரத்தின் சிறந்த 100 உணவகங்களின் பட்டியலை ஒவ்வோர் ஆண்டும் New york Times இதழ் வெளியிட்டு வருகின்றது
அந்த வகையில் தென்னிந்தியாவைச் சேர்ந்த ‘SEMMA’ உணவகம் இந்தாண்டு முதலிடம் பிடித்திருக்கிறது. கடந்த ஆண்டு, ‘SEMMA’ உணவகம் ஏழாவது இடத்தைப் பிடித்திருந்தது குறிப்பிடத்தக்கது.
2021 முதல் கிரீன்விச் கிராமத்தில் அமைந்துள்ள செம்மா – மிச்செலின் உணவகத்தை, ரோனி மஜும்தார், சிந்தன் பாண்ட்யா ஆகிய இருவர் நடத்தி வருகின்றனர். தமிழகத்தைச் சேர்ந்த விஜயகுமார் இங்கு தலைமை ‘CHEF’ ஆக பணியாற்றி வருகிறார். இந்த ஹோட்டலில் விற்கப்படும் கன்னியாகுமரி நண்டு மசாலா, முயல் பிரட்டல், திண்டுக்கல் பிரியாணி இதையெல்லாம் அமெரிக்கர்களும் விரும்பி சாப்பிடுவதாக சொல்லப்படுகின்றது. நியூயார்க் நகரில் பெருமதிப்புமிக்க சிறப்பைக் கொண்ட ஒரே இந்திய உணவகமாக செம்மா விளங்குவதாகக் சொல்லப்படுகிறது.
