“தமிழகத்தில் பெரிய கூட்டணி எங்களுடையதே. அதைப் பற்றி அனைத்தும் வரும் மாநாட்டில் அறிவிக்கப்படும். 8 மாதங்கள் பொறுத்திருங்கள்” என நாம் தமிழர் கட்சி ஒருங்கிணைப்பாளர் சீமான் தெரிவித்துள்ளார்.
விழுப்புரத்தில் நடந்த செய்தியாளர் சந்திப்பில் பேசிய அவர், “தி.மு.க.வுக்கு மாற்றாக உண்மையான எதிரணி நாம் தமிழர் கட்சி தான். ஒரே ஒரு தீமையை மாற்றும் பெயரில் வேறு ஒரு தீமையை ஏற்க முடியாது. நெருப்பை நெருப்பால் அணைக்க முடியாது; அதற்கு நீர் தேவை. நாம் தான் அந்த நீராக இருப்போம்,” எனக் கூறினார்.
இந்திய கட்சிகள் தமிழ்நாட்டில் தேவையா என்ற கேள்வியை எழுப்பிய அவர், “இந்த மண்ணின் மக்களின் தேவைகளை ஆதிக்க கட்சிகள் தீர்த்திருக்கிறனவா? இல்லையென்றால்தான் நம் போன்ற கட்சிகள் உருவாகின்றன,” என விமர்சித்தார்.
மத்திய அரசின் அதிகாரம் குறித்தும் கருத்து:
“நாம் வலிமை மிக்க காவல்துறையை கொண்டிருந்தாலும், சி.பி.ஐ. விசாரணைக்காக மத்திய அரசிடம் செல்வது ஏன்? உண்மை வெளிப்பட வேண்டுமென்றால், அதையே கேட்கும் ஆட்சியாளர்கள் எப்படி நியாயம் பார்ப்பது?” என்றார்.
காவிரி நீர் பிரச்சனை, தமிழ்மொழி பாதுகாப்பு குறித்து பேசிய அவர், “கர்நாடகாவில் ஒரு சொட்டு தண்ணீரும் தர முடியாது எனச் சொல்லும் காங்கிரஸ் மற்றும் பாஜக கட்சிகள் தான். அவர்கள் தமிழரின் உரிமையை பாதுகாப்பார்களா?” எனக் கேள்வி எழுப்பினார்.
“தமிழகத்தில் மிகப்பெரிய கூட்டணி எங்களுடையது. இன்னும் 8 மாதங்கள் பொறுத்திருங்கள். வரும் மாநாட்டில் அதை முழுமையாக அறிவிக்கப் போகிறோம். என்னை பாஜகவின் B-டீம் எனச் சொல்வதுண்டு. அப்படி என்றால் A-டீம் யார்? அது தி.மு.க. தான்,” என அவர் திட்டவட்டமாக தெரிவித்தார்.
மாநில அரசியல் கூட்டணி குறித்து சீமான் கூறியதாவது:
