புதுடெல்லி : மத்திய பிரதேச மாநிலம் இந்தூரில் இருந்து ஒடிசாவின் புவனேஸ்வர் நோக்கி இன்று புறப்படவிருந்த இண்டிகோ விமானத்தில் (விமான எண் 6E 6332) தொழில்நுட்ப கோளாறு ஏற்பட்டது. இதனால், விமானம் தாமதமடைந்தது மற்றும் பயணிகள் கடும் அவதிக்கு உள்ளானார்கள்.
காலை 9.00 மணிக்கு 140 பயணிகளுடன் புறப்படவிருந்த இந்த விமானம் ஓடுபாதைக்கு செல்லும் போது, விமானி தொழில்நுட்ப சிக்கலை கண்டறிந்தார். இதையடுத்து விமானம் நிறுத்தப்பட்டு, அவசர பழுது பார்க்கும் பணிகள் மேற்கொள்ளப்பட்டன.
சுமார் ஒரு மணி நேரத்திற்குப் பிறகு, காலை 10.16 மணியளவில் விமானம் புறப்பட்டது. இத்தொகை தாமதம் பயணிகளில் அதிகமான குழப்பத்தையும், அவதியையும் ஏற்படுத்தியது. விமான நிலையத்தில் பயணிகள் அதிகாரிகளிடம் வாக்குவாதத்தில் ஈடுபட்டனர்.
சமீபக் காலமாக இண்டிகோ விமானங்களில் தொழில்நுட்ப கோளாறுகள் அடிக்கடி ஏற்படுவது குறித்து பயணிகள் எதிர்மறையான பார்வையை கொண்டுள்ளனர். விமான சேவையின் தரம் குறித்து கேள்விகள் எழுந்துள்ளன.
