இந்திய பங்குச் சந்தை இன்று சரிவில்லாமல் ஏற்றமடைந்தது. முதலீட்டாளர்களுக்கு இது பெரிய லாபமாகும் வகையில், ஒரே நாளில் சந்தையில் சுமார் ₹4.5 லட்சம் கோடி பெறுமதி சேர்க்கப்பட்டது.
இன்றைய வர்த்தக முடிவில், சென்செக்ஸ் 419 புள்ளிகள் (0.52%) உயர்ந்து 81,018.72 புள்ளிகளிலும், நிஃப்டி 50 157 புள்ளிகள் (0.64%) உயர்ந்து 24,722.75 புள்ளிகளிலும் முடிவடைந்தன.
இதனுடன், BSE-யில் பட்டியலிடப்பட்ட மொத்த சந்தை மூலதன மதிப்பு, கடந்த வெள்ளிக்கிழமை ₹444.5 லட்சம் கோடியில் இருந்தது, இன்று ₹449 லட்சம் கோடியாக உயர்ந்துள்ளது. இதன் மூலம் முதலீட்டாளர்கள் ஒரே நாளில் ₹4.5 லட்சம் கோடி வருமானம் ஈட்டியுள்ளனர்.
பங்குச் சந்தை உயர்வுக்கு காரணமாக அமைந்த முக்கிய நிகழ்வுகள் :
- அமெரிக்க வேலைவாய்ப்பு தரவுகள் எதிர்பார்த்ததைவிட குறைவாக வந்தது. இதன் மூலம் செப்டம்பர் மாதம் அமெரிக்காவில் வட்டி விகிதம் குறைக்கப்படும் என்ற நம்பிக்கை மேலோங்கியது. இது உலகளாவிய சந்தைகளில் நேர்மறையான தாக்கத்தை ஏற்படுத்தியது.
- அமெரிக்க டாலரின் மதிப்பு சரிவு மற்றும் இந்திய ரூபாயின் மதிப்பு உயர்வு ஆகியவை இந்திய பங்குச் சந்தைக்கு சாதகமான சூழ்நிலையை உருவாக்கின.
- நிஃப்டியில் அதிக லாபம் ஈட்டிய பங்குகள் :
ஹீரோ மோட்டோகார்ப்: 5.18%
டாடா ஸ்டீல்: 4.08%
அதானி போர்ட்ஸ்: 3.56%
- நஷ்டம் சந்தித்த பங்குகள் :
பவர் கிரிட் கார்ப்பரேஷன்: -1.12%
HDFC வங்கி: -0.88%
ONGC: -0.70%
மேலதிகமாக, மிட்கேப் குறியீடு 1.11% மற்றும் ஸ்மால் கேப் 0.76% உயர்வுடன் முடிவடைந்தன. இவை அனைத்தும் சந்தை மனோபாவத்தில் நம்பிக்கையை காட்டுகின்றன.
