தேசிய ஜனநாயக கூட்டணி சார்பில் மயிலாடுதுறை சட்டமன்ற தொகுதியில் போட்டியிடும் பாமக வேட்பாளர் பழனிச்சாமி அறிமுக கூட்டம். கூட்டணி கட்சி நிர்வாகிகள், தொண்டர்கள் பங்கேற்பு.
2026 சட்டமன்றத் தேர்தலில் மயிலாடுதுறை சட்டமன்றத் தொகுதி தேசிய ஜனநாயக கூட்டணியில் அங்கம் வகிக்கும் பாட்டாளி மக்கள் கட்சிக்கு ஒதுக்கப்பட்டுள்ளது.
இதையடுத்து, அக்கட்சியின் மாவட்ட செயலாளர் சித்தமல்லி பழனிச்சாமி வேட்பாளராக அறிவிக்கப்பட்டுள்ளார்.
வேட்பாளரின் அறிமுக கூட்டம் மயிலாடுதுறையில் உள்ள தனியார் திருமண மண்டபத்தில் இன்று நடைபெற்றது. இதில் கூட்டணி கட்சிகளான அதிமுக, அமமுக, பாஜக உள்ளிட்ட பல்வேறு தோழமை கட்சி நிர்வாகிகள் கலந்து கொண்டனர்.
இந்நிகழ்ச்சியில், அதிமுக மாவட்ட செயலாளர் பவுன்ராஜ் வேட்பாளரை அறிமுகப்படுத்தி வைத்தார். தொடர்ந்து, இந்த தேர்தலில் எவ்வாறு செயல்பட வேண்டும் என்பது குறித்து நிர்வாகிகளுக்கு ஆலோசனைகள் வழங்கப்பட்டன. அதில் கூட்டணி கட்சி நிர்வாகிகள், தொண்டர்கள் உள்ளிட்ட ஏராளமானோர் கலந்து கொண்டனர்.
