இந்த மாதத்தின் முதல் வர்த்தக நாளான செப்டம்பர் 1 அன்று, ஓலா எலக்ட்ரிக் பங்குகள் ராக்கெட் வேகத்தில் உயர்ந்து, இன்ட்ரா-டேவில் 13% க்கும் மேல் லாபம் பெற்றன. கடந்த 5 நாட்களில் மட்டும் 30% மேல் உயர்ந்துள்ள இந்த பங்குகள், கடந்த ஒரு மாதத்தில் 47% வரை முன்னேற்றம் கண்டுள்ளன.
பங்கு உயர்விற்கு காரணம்
சில நாட்களுக்கு முன்பு ஓலா எலக்ட்ரிக், தனது ஜென் 3 ஸ்கூட்டர் போர்ட்ஃபோலியோவுக்கான PLI (Production Linked Incentive) சான்றிதழை பெற்றதாக அறிவித்தது. ஏழு மாடல்களும் இந்த சான்றிதழைப் பெற்றுள்ளதால், 2028 வரை விற்பனை மதிப்பில் 13-18% வரை ஊக்கத்தொகை கிடைக்கும். இதனால் நிறுவனத்தின் வருவாய் மற்றும் லாபம் அதிகரிக்கும் என மதிப்பிடப்படுகிறது.
மேலும், ஆகஸ்ட் மாத விற்பனை விவரங்களும் பங்குக்கு ஆதரவாக அமைந்துள்ளன. ஆகஸ்ட் 28 வரை ஓலா 15,514 யூனிட்டுகளை விற்றுள்ளது. அதே காலகட்டத்தில் ஏதர் எனர்ஜி 15,457 யூனிட்டுகளை மட்டுமே விற்றது.
பங்கு விலை வரலாறு
ஆகஸ்ட் 9, 2024 அன்று ரூ.76-க்கு பட்டியலான ஓலா எலக்ட்ரிக், அதே நாளில் ரூ.91.18 என்ற விலைக்கு உயர்ந்தது.
ஆகஸ்ட் 20, 2024 அன்று ரூ.157.53 என்ற உச்சத்தை எட்டியது.
பின்னர், 11 மாதங்களில் 75% வரை சரிந்து, 2025 ஜூலை 14 அன்று ரூ.39.58 என்ற அடித்தளத்தையும் கண்டது.
தற்போது, மீண்டும் லாப பாதையில் திரும்பி, இன்று ரூ.62.97 என்ற விலையில் வர்த்தகத்தை முடித்துள்ளது.
நிபுணர்களின் கருத்து
Indmoney-யில் வெளியிடப்பட்ட தகவலின்படி, 7 ஆய்வாளர்களின் மதிப்பீட்டில்:
2 பேர் “Buy” ரேட்டிங்,
2 பேர் “Hold”,
3 பேர் “Sell” பரிந்துரையை வழங்கியுள்ளனர்.
அதிகபட்ச இலக்கு விலை ரூ.63 எனவும், குறைந்த இலக்கு விலை ரூ.30 எனவும் நிர்ணயிக்கப்பட்டுள்ளது.
