2026ஆம் ஆண்டு நடைபெறவுள்ள தமிழக சட்டமன்றத் தேர்தலையொட்டி, லயோலா முன்னாள் மாணவர்கள் தொடங்கிய இந்திய அரசியல் ஜனநாயக யுக்திகள் அமைப்பு நடத்திய கருத்துக்கணிப்பு வெளியிடப்பட்டுள்ளது. இதில், தமிழ் அரசியலின் தற்போதைய நிலை மற்றும் எதிர்கால முன்னேற்றம் குறித்து விரிவான பார்வை அளிக்கப்பட்டுள்ளது.
கருத்துக்கணிப்பு முடிவுகளின்படி, தமிழகத்தின் அடுத்த முதல்வராக மு.க. ஸ்டாலின் மீண்டும் தேர்வாக வாய்ப்பு உள்ளதாக 77.83% பேர் தெரிவித்துள்ளனர். அவரைப் பின்தொடர்ந்து எடப்பாடி கே. பழனிசாமிக்கு 73.80%, உதயநிதி ஸ்டாலினுக்கு 67.99%, அண்ணாமலைக்கு 64.58% மற்றும் நடிகர் விஜய்க்கு 60.58% பேர் ஆதரவு தெரிவித்துள்ளனர்.
தற்போதைய அரசியல் சூழ்நிலையை பாராட்டி, “நீங்கள் எவருக்கு வாக்களிக்க விரும்புகிறீர்கள் ?” என்ற கேள்விக்கு :
திமுக – 17.7%, அதிமுக – 17.3%, தாமக – 12.2%, பாஜக – 5% என்று பதிலளிக்கப்பட்டுள்ளது.
முதல்வர் மு.க. ஸ்டாலின் தலைமையிலான தற்போதைய அரசின் நலத்திட்டங்களில் :
காலை உணவு திட்டத்திற்கு – 72%
மகளிர் உரிமை தொகைக்கு – 62%
மகளிர் விடியல் பேருந்து பயணத்திட்டத்திற்கு – 56% என்ற அளவில் மக்கள் ஆதரவு தெரிவித்துள்ளனர்.
இருப்பினும், அரசுத் துறைகளில் ஊழல் கட்டுப்பாடு குறைவாகவே உள்ளதாக 81%, சட்டம்-ஒழுங்கு பராமரிப்பு குறைவாகவே உள்ளது என 72%, மணல் கொள்ளை தடுப்பு நடவடிக்கைகள் போதியதாக இல்லை என 77% மக்கள் விமர்சனம் செய்துள்ளனர்.
மக்களின் முக்கியமான பிரச்சினைகளை தீர்க்கும் கட்சி யார் ? என்ற கேள்விக்கு :
திமுக – 25.3%, அதிமுக – 22.8%, பாஜக – 15.7%, தாமக – 11.2% என்று பதிலளிக்கப்பட்டுள்ளது.