கேகேஆர் அணி கலக்கல் ஆட்டம் – வீழ்ந்தது டெல்லி அணி

பிரிமியர் லீக் தொடரில் கேகேஆர் அணி, டில்லி அணியை 14 ரன்களில் வீழ்த்தி அபார வெற்றியை பதிவு செய்தது.

டெல்லி அருண் ஜெட்லி மைதானத்தில் நடைபெற்ற போட்டியில் டாஸ் வென்ற டெல்லி கேப்டன் அக்சர் படேல் பீல்டிங் தேர்வு செய்தார். அதன்பின் களமிறங்கிய கேகேஆர் அணிக்கு குர்பாஸ்-நரைன் ஜோடி தீவிர துவக்கத்தை வழங்கியது.

மிட்சல் ஸ்டார்க் வீசிய முதல் ஓவரில் குர்பாஸ் தொடக்கத்திலேயே 2 பவுண்டரி விளாச, நரைன் சமீரா பந்தில் சிக்சர் அடித்தார். இரண்டாவது ஓவரிலேயே 25 ரன் வந்தது. ஸ்டார்க் மீண்டும் வந்த போது குர்பாஸ் 4, 4, 6 என விளாசினார். ஆனால், ஓவரின் கடைசி பந்தில் அவர் (26) அவுட்டாகினார்.

அதன்பின் நரைன் (27), ரஹானே (26), ரிங்கு சிங் (36) ஆகியோர் ஆட்டத்தை முன்னெடுத்தனர். பந்துவீச்சில் அக்சர், விப்ராஜ் தலா 2 விக்கெட் வீழ்த்தினர். ஸ்டார்க் 3 விக்கெட்டுடன் சிறந்த பந்து வீச்சை நிகழ்த்தினார். கேகேஆர் அணி 20 ஓவர்களில் 9 விக்கெட்டுகள் இழப்பிற்கு 204 ரன்களை குவித்தது.

டுபிள்சியின் முயற்சி வீணாகியது

204 ரன்னின் இலக்கை எதிர்கொண்ட டெல்லிக்கு அபிஷேக் போரல், கருண் நாயர் ஆகியோர் ஆரம்பத்திலேயே வெளியேறி அதிர்ச்சி அளித்தனர். டுபிள்சி (62), அக்சர் (43) இணைந்து அணியை மீட்டபோதும் நரைனின் சுழலில் இருவரும் அவுட்டாகினர். பின்னர் வருண் சக்ரவர்த்தி அஷுதோஷ், ஸ்டார்க் ஆகியோரை அடுத்தடுத்து அவுட் செய்தார். டெல்லி அணி 190/9 ரன் மட்டுமே எடுத்தது.

இறுதியாக டெல்லி அணி 20 ஓவர்களில் 9 விக்கெட்டுகள் இழப்பிற்கு 190 ரன்கள் எடுத்து தோல்வியை சந்தித்தது. இதன் மூலமாக கேகேஆர் அணி 14 ரன்கள் வித்தியாசத்தில் அபார வெற்றி பெற்றது.