மாட்ரிட் (ஸ்பெயின்) : பாகிஸ்தானின் பிழைப்பு பிரசாரங்களை முறியடித்து, இந்தியாவின் ‘ஆபரேஷன் சிந்தூர்’ நடவடிக்கையை உலக நாடுகளிடம் எடுத்துரைப்பதற்காக, நாடாளுமன்ற உறுப்பினர்கள் குழு ஐரோப்பிய நாடுகளுக்கு பயணித்து வருகிறது.
திமுக எம்பி கனிமொழி தலைமையிலான குழு, சமீபத்தில் ஸ்பெயினில் இருந்தபோது, இந்தியாவைப் பிரதிநிதித்துவப்படுத்தும் முக்கிய பேச்சுவார்த்தைகளை நடத்தினர். இந்த குழுவில் பல கட்சிகளை சேர்ந்த எம்பிக்கள் மற்றும் தூதர்கள் இடம்பெற்றுள்ளனர்.
கனிமொழி தவிர, ஸமாஜ்வாதி கட்சியின் ராஜீவ் ராய், பாஜக எம்பி பிரிஜேஷ் சோவ்டா, ஆம்ஆத்மியின் அசோக் மிட்டல், ஆர்ஜேடி எம்பி பிரேம் சந்த் குப்தா, தூதர்கள் மங்சீவ் எஸ் புரி மற்றும் ஜாவேத் அஷ்ரப் உள்ளிட்டோர் உள்ளனர்.
இந்த குழுவிற்கு ஸ்பெயின், கிரீஸ், ஸ்லோவேனியா, லத்த்வியா, ரஷ்யா ஆகிய ஐந்து நாடுகள் ஒதுக்கப்பட்டுள்ளன.
❝இந்தியாவின் தேசிய மொழி என்ன?❞
ஸ்பெயினில் நிகழ்ந்த ஒரு சந்திப்பின் போது, புலம்பெயர் இந்தியர் ஒருவர் கனிமொழியிடம், “இந்தியாவின் தேசிய மொழி என்ன?” என்ற கேள்வியை எழுப்பினார்.
அதற்காக அவர் பதில்,
❝இந்தியாவின் தேசிய மொழி வேற்றுமையிலும் ஒற்றுமையாக இருப்பது தான். இதுவே இந்த குழு உலகிற்கு கொடுக்கின்ற முக்கியமான செய்தி.❞
என்றார்.
அவரது பதில் அரங்கில் இருந்தவர்களின் கைதட்டலை பெற்றது. இது சமூக வலைதளங்களில் வைரலாகப் பரவி வருகிறது.
பின்னணி :
இந்தியா பன்மொழி நாடாக இருந்தாலும், சிலர் இந்தியை தேசிய மொழி என தவறாக நம்புகின்றனர். உண்மையில், இந்திய அரசியலமைப்பில் தேசிய மொழி என்ற ஒரு பிரிவே இல்லாது, “அரசுத் துறை மொழி” என்ற வகையில் இந்தி மற்றும் ஆங்கிலம் பயன்படுத்தப்படுகின்றன.
கனிமொழியின் பதில், இந்தியாவின் மொழிப் பன்மை மற்றும் கலாச்சார ஒற்றுமையை வலியுறுத்தும் விதமாக அமைந்துள்ளது.
