தெலுங்கு சினிமாவை தாண்டி தென்னிந்திய திரையுலகிலும் தனக்கென ரசிகர்கள் பட்டாளத்தை உருவாக்கி விட்டார் நடிகர் நானி. 2008ஆம் ஆண்டு Ashta Chamma திரைப்படம் மூலம் ஹீரோவாக அறிமுகமான இவர், அதன்பின் ஒரு தொடர் வெற்றி பாதையில் பயணம் செய்து வருகிறார். தமிழ் சினிமாவிலும் வெப்பம் திரைப்படத்தின் மூலம் கால் பதித்துள்ளார்.
அண்மையில் நானி நடித்த தசரா மற்றும் Hi நானா ஆகிய இரு படங்களும் ரசிகர்கள் மத்தியில் பெரும் வரவேற்பைப் பெற்றன. தற்போது அவர் நடித்துள்ள புதிய படம் ஹிட் 3, ரசிகர்களின் எதிர்பார்ப்பை கூட்டியுள்ளது. கே.ஜி.எப் புகழ் ஸ்ரீநிதி ஷெட்டி ஹீரோயினாக நடித்துள்ள இப்படத்தை சைலேஷ் கொலானு இயக்கியுள்ளார்.
அதிர்ச்சி அளிக்கும் வாக்குமூலம்!
படத்தின் புரமோஷன் நிகழ்வில் கலந்துகொண்ட நானி, தனது எதிர்காலத்துக்கான அபிலாஷையை பகிர்ந்துள்ளார். “நான் வயதான கதாபாத்திரங்களில் நடிக்க ஆவலாக இருக்கிறேன். மேலும், எனக்கு வயதாவதற்காகவே காத்திருக்கிறேன். வயதான பிறகுதான் அந்த மாதிரியான வித்தியாசமான கதாபாத்திரங்களை முயற்சி செய்து பார்க்க முடியும்” என அவர் தெரிவித்துள்ளார்.
நானியின் இந்த நேர்மையான பேச்சு ரசிகர்களிடையே அதிக வரவேற்பையும், பரபரப்பையும் ஏற்படுத்தியுள்ளது. அவரது மேச்சூரிட்டி மற்றும் தேர்ந்த நடிகரான வளர்ச்சியை இது மீண்டும் ஒரு முறை நிரூபிக்கிறது.
