புதுடில்லி :
ம.தி.மு.க. முதன்மைச் செயலரும் மக்களவை உறுப்பினருமான துரை வைகோ நேற்று பிரதமர் நரேந்திர மோடியை நேரில் சந்தித்து, முக்கியக் கோரிக்கைகள் அடங்கிய மனுவை வழங்கியுள்ளார். இந்த சந்திப்பு, தமிழ் மாநில அரசியலில் புதிய சர்ச்சையை கிளப்பியுள்ளது.
பார்லிமென்ட் வளாகத்தில் அமைந்துள்ள பிரதமரின் அலுவலகத்தில் நடைபெற்ற இந்த சந்திப்பின் போது, ரஷ்யா-உக்ரைன் போர் காரணமாக அந்நாட்டில் சிக்கிக் கொண்டுள்ள தமிழகத்தைச் சேர்ந்த மருத்துவ மாணவர் கிஷோர் சரவணன் உட்பட இந்தியர்களை பாதுகாப்புடன் மீட்டு அழைத்து வர, உடனடி நடவடிக்கை எடுக்க வேண்டியதற்காக பிரதமருக்கு ஒரு மனுவை துரை வைகோ வழங்கினார். இதில், 15 அரசியல் கட்சிகளைச் சேர்ந்த 68 எம்.பி.க்களின் கையெழுத்து இடம்பெற்றிருந்தது.
இவ்வாறு தனிப்பட்ட முறையில் பிரதமரை சந்தித்ததற்கு அரசியல் வட்டாரங்களில் பல்வேறு கூற்றுகள் வெளியாகி வருகின்றன. குறிப்பாக, ம.தி.மு.க. அடுத்த பொதுத் தேர்தலில் தி.மு.க. கூட்டணியிலிருந்து வெளியேறி, பாஜகவின் தே.ஜ. கூட்டணியில் இணையலாம் என்ற தகவல்கள் சமீபமாக பரவி வருகின்றன.
இந்தச் சூழலில், அக்கட்சியின் பொதுச் செயலர் வைகோ இதைத் தாண்டாக மறுத்திருந்தாலும், துரை வைகோவுக்கு பிரதமர் நேரம் ஒதுக்கியது, அவரை நேரில் சந்தித்து பேச அனுமதித்தது, தேசிய அரசியலில் புதிய கூட்டணிப் பரிமாற்றத்துக்கான அடையாளமாக பார்க்கப்படுகிறது.
பொதுவாகவே பிரதமரை சந்திக்க பாஜக கூட்டணியில் இல்லாதவர்களுக்கு எளிதில் நேரம் ஒதுக்கப்படாத சூழலில், ம.தி.மு.க. தலைவர் பிரதமரை சந்தித்திருக்கிறார் என்பது, அந்தக் கட்சியின் எதிர்கால நிலைப்பாட்டில் மாற்றம் ஏற்படப்போகிறதா ? என்ற சந்தேகங்களை எழுப்பியுள்ளது.
