கீரிப்பாறை அரசு ரப்பர் கழக தொழிலாளர்களின் சம்பள உயர்வு பேச்சுவார்த்தை தொடர்பாக எந்தவித முன்னேற்றமும் ஏற்படாத நிலையில் தொடரும் போராட்டம்- கன்னியாகுமரி மாவட்டம் கோணம் தொழிலாளர் துறை அலுவலகத்தை முற்றுகையிட்டு 300க்கும் மேற்பட்ட ரப்பர் பால் வெட்டும் தொழிலாளர் ரப்பர் கழக அதிகாரிகளை கண்டித்து கோஷங்களை எழுப்பினர் மேலும் ரப்பர் கழக துறையில் பணிபுரியும் அதிகாரிகள் லட்சக்கணக்கில் சம்பளம் வாங்குகின்ற நிலையில் தொழிலாளர்களுக்கு சம்பள உயர்வை உயர்த்த இயலாது நீதிமன்றத்தில் முறையிடுங்கள் என்று சொல்வது வேதனை அளிப்பதாக பேட்டி-இதனால் ரப்பர் பால் வெட்டும் தொழில் பாதிப்பு
கீரிப்பாறை அரசு ரப்பர் கழகத்தில் கீரிப்பறை,மணலோடை,சித்தார் மற்றும் கோதையாறு உள்ளிட்ட 4 கோட்டங்கள் உள்ளது.இந்த கோட்டத்தில் பால்வடிக்கும் தொழிலாளர்கள் மற்றும் களப்பணியாளர்கள் மற்றும் ஒப்பந்த தொழிலாளர்கள் என ஆயிரத்துக்கும் மேற்பட்ட தொழிலாளர்கள் வேலை செய்து வருகிறார்கள்,இவர்கள் தற்போது வழங்கக்கூடிய ரூபாய் 650 சம்பளத்தில் இருந்து 900 முதல் 1000 சம்பளம் உயர்த்தி கேட்டு பல போராட்டங்கள் நடத்தி வரும் நிலையில் கடந்த 9 ந்தேதி முதல் கீரிப்பாறை அரசு ரப்பர் கோட்ட மேலாளர் அலுவலக முன்பு பகலும் இரவுமாக காத்திருப்பு போராட்டம் நடத்திவந்தனர், ஆனால் அதிகாரிகள் தரப்பில் இருந்து எந்தவித பேச்சுவார்த்தையும் உத்திரவாதமும் இல்லாததை தொடர்ந்து நேற்று பூதப்பாண்டியிலுள்ள தோவாளை தாலூகா அலுவலகம் முன்பு தங்களுடைய ரேசன் அட்டை,ஆதார் கார்டு மற்றும் வாக்காளர் அடையாள அட்டைகளை தோவாளை தாசில்தாரிடம் ஒப்படைக்கும் போராட்டம் நடத்தினார் மேலும் அதனை தொடர்ந்து நடந்த பேச்சுவார்த்தையில் எந்தவித முன்னேற்றம் ஏற்படவில்லை நிலையில் இருந்து கோணம் தொழிலாளர் அலுவலகத்தில் பேச்சுவார்த்தைக்கு சென்றனர்,ஆனால் அந்த பேச்சுவார்த்தை தோல்வி அடைந்ததை தொடர்ந்து 300-க்கும் மேற்பட்ட ரப்பர் கழக நிரந்தர மற்றும் தற்காலிக தொழிலாளர்கள் போராட்டத்தில் ஈடுபட்டனர் அலுவலகத்தை முற்றுகையிட்டு அதிகாரிகளை கண்டித்து கோஷங்களை எழுப்பினர் மேலும் தங்களுக்கு ஊதிய உயர்வு அறிவிக்கும் வரை தங்கள் போராட்டம் தொடரும் எனவும் தெரிவித்துள்ளனர் இதுகுறித்து போராட்டக்காரர்கள் கூறுகையில்”
ரப்பர் கழக அதிகாரிகள் லட்சக்கணக்கில் சம்பளம் பெறுகிறார்கள் ஆனால் அந்த துறையில் பணிபுரியும் தொழிலாளர்கள் தங்களுக்கு ஊதிய உயர்வை உயர்த்தி வழங்க நீதிமன்றத்தை நாடுங்கள் என தெரிவிக்கின்றனர் நாங்கள் இரவு பகல் பாராமல் காட்டு விலங்குகளுக்கு மத்தியில் உயிர் பயத்தில் வாழ்ந்து வருகிறோம் எனவே தங்களுக்கு ஊதிய உயர்வு அறிவிக்கவில்லை என்றால் போராட்டம் தொடரும் என திட்டவட்டமாக தெரிவித்துள்ளனர், இதனால் ரப்பர் பால் வெட்டும் தொழில் பாதிக்கப்பட்டுள்ளது
பேட்டி : சகாயம்
