மயிலாடுதுறையில் TVK-தின் தமிழ்நாடு அரசு போக்குவரத்து கழக முதல் தொழிற் சங்கத்தின் கொண்டாட்டம்

மயிலாடுதுறையில் தமிழக வெற்றிக் கழகத்தின் தமிழ்நாடு அரசு போக்குவரத்து கழக முதல் தொழிற் சங்கத்தின் கொண்டாட்டம். தமிழக முதல்வராக பொறுப்பேற்ற விஜய்க்கு வாழ்த்து தெரிவித்து இனிப்புகள் வழங்கி பட்டாசு வெடித்து உற்சாகம்:-

தமிழக சட்டமன்றத் தேர்தலில் தமிழக வெற்றி கழகம் 108 இடங்கள் வென்று பெரும்பான்மை பெற்றது. இதனைத் தொடர்ந்து திமுக கூட்டணி கட்சிகளான காங்கிரஸ், இந்திய கம்யூனிஸ்ட், மார்க்சிஸ்ட் கம்யூனிஸ்ட் , விடுதலை சிறுத்தைகள் கட்சி, ஐ யூ எம் எல் கட்சிகளின் ஆதரவுடன் இன்று தமிழக வெற்றி கழக தலைவர் ஜோசப் விஜய் தமிழகத்தின் முதலமைச்சராக பொறுப்பேற்றார். ஆளுநர் பதவி பிரமாணம் செய்து வைத்தார். இதனை தமிழக வெற்றி கழகத்தினர் நாடு முழுவதும் கோலாகலமாக கொண்டாடி வருகின்றனர். அந்த வகையில் மயிலாடுதுறையில் முதல்முறையாக உருவாக்கப்பட்ட தமிழக வெற்றிக்கழகத்தின் தமிழ்நாடு அரசு போக்குவரத்து தொழிற்சங்கம் சார்பில் தமிழக வெற்றி கழக தலைவர் விஜய் முதலமைச்சர் ஆக பதவி ஏற்றத்தையும் முன்னிட்டு கொண்டாட்டத்தில் ஈடுபட்டனர். பொறுப்பாளர் கலையரசன் தலைமையில் நடைபெற்ற நிகழ்ச்சியில் பட்டாசு வெடித்து தொழிற்சங்கத்தினர் ஒருவருக்கொருவர் இனிப்புகள் வழங்கி கொண்டாட்டத்தில் ஈடுபட்டனர். முதலமைச்சர் விஜய் பழைய ஓய்வூதிய திட்டம் உள்ளிட்ட போக்குவரத்து துறைக்கு சிறப்பான திட்டங்களை வழங்குவார் என்று நம்பிக்கையில் உள்ளதாக தெரிவித்தனர்.