கோவை : இந்தியாவில் சட்ட விரோதமாக குடியேறி தங்கி இருப்பவர்களை பிடிக்கும் நடவடிக்கைகள் தீவிரமாக நடைபெற்று வருகின்றன. இந்தச் செயல்பாட்டின் ஒரு பகுதியாக, கோவையில் 13 வங்கதேச குடியிருப்பாளர்கள் கைது செய்யப்பட்டு விசாரணைக்கு உட்படுத்தப்பட்டுள்ளனர். அதேசமயம், உத்தரப் பிரதேச மாநிலத்தின் மதுரா மாவட்டத்தில் 90 பேர் கைது செய்யப்பட்டுள்ள சம்பவம் பரபரப்பை ஏற்படுத்தியுள்ளது.
கோவையில் சோதனை, 13 பேர் கைது
கோவையில் இயங்கும் சில தொழிற்சாலைகளில் போலீசார் சோதனை மேற்கொண்டனர். பீளமேடு பகுதியிலுள்ள தொழிற்சாலைகளில் வேலை செய்து வந்த 13 வங்கதேச குடியிருப்பாளர்கள், தவறான ஆவணங்களுடன் வசித்து வந்தது தெரியவந்தது. அவர்களை போலீசார் கைது செய்து, எவ்வாறு நாட்டிற்குள் நுழைந்தார்கள், யார் உதவினார் என்ற கோணத்தில் விசாரணை நடத்தி வருகின்றனர்.
மதுராவில் 90 பேர் பிடிபட்டனர்
மற்றொரு பக்கமாக, உத்தரப் பிரதேச மாநிலம் மதுராவில் காஜ்பூர் பகுதியில் போலீசாருக்கு கிடைத்த தகவலின்பேரில் வீடு வீடாக சோதனை நடத்தப்பட்டது. இதில் சட்ட விரோதமாக குடியேறி இருந்த 90 வங்கதேச குடியிருப்பாளர்கள் கைது செய்யப்பட்டனர். அவர்கள் போலி ஆவணங்களை பயன்படுத்தியிருந்தது விசாரணையில் வெளிவந்தது.
ஏஜெண்டுகள் மீது தீவிர நடவடிக்கை
வங்கதேச குடியிருப்பாளர்களுக்காக போலி ஆவணங்களை தயாரித்துக் கொடுத்த ஏஜெண்டுகள் மீது போலீசார் தற்போது கடும் நடவடிக்கைகளை எடுத்து வருகின்றனர். அவர்கள் யார் ? எத்தனை பேர்? எந்தெந்த மாநிலங்களில் செயற்படுகின்றனர் என்பதைக் கண்டறியும் பணியும் தொடர்ந்து நடைபெற்று வருகிறது
