ராயகடா (ஒடிசா):
ஒடிசா மாநிலம் ராயகடா மாவட்டத்தில் சாதி வேறுபாட்டைக் காரணமாகக் கொண்டு, ஒரு குடும்பத்தை சமூகத்திலிருந்து ஒதுக்கிவைத்த சம்பவம் அதிர்ச்சி ஏற்படுத்தியுள்ளது. மேலும், அந்தக் குடும்பத்தினர் அனைவரும் விலங்குப் பலி செலுத்தி, மொட்டை அடிக்குமாறு ஊர் மக்கள் கட்டாயம் வைத்த சம்பவம் சமூகத்தில் கேள்விக்குறியாக நிற்கிறது.
இச்சம்பவம், ராயகடா மாவட்டத்தின் காஷிபூர் தொகுதியில் உள்ள பைகனகுடா கிராமத்தில் நடந்துள்ளது. பழங்குடியினத்தைச் சேர்ந்த பெண் ஒருவர், பட்டியலினத்தினரைக் சேர்ந்த இளைஞரை காதலித்து திருமணம் செய்துள்ளார். இதனை எதிர்த்த ஊர் மக்கள், அந்தப் பெண்ணையும், அவரது குடும்பத்தினரையும் சமூகத்திலிருந்து ஒதுக்கிவைத்துள்ளனர்.
Did you read this?
இந்த ஒதுக்குமையை “தீர்க்க” ஊர் பெருமக்கள், ஒரு விலங்கைப் பலியிட்டு, அந்தக் குடும்பத்தினர் அனைவரும் மொட்டை அடிக்க வேண்டும் என கட்டாயம் வைத்துள்ளனர். இதற்கேற்ப, அந்தக் குடும்பத்தில் உள்ள சுமார் 40 பேர் விலங்குப் பலியிட்டு, மொட்டை அடித்துள்ளனர் என தகவல்கள் தெரிவிக்கின்றன.
இது குறித்து என்டிடிவி செய்தி நிறுவனத்திடம் பேசிய தொகுதி மேம்பாட்டு அதிகாரி விஜய் சோய், “இச்சம்பவம் தொடர்பாக, தொகுதி விரிவாக்க அதிகாரியின் தலைமையில் குழு, சம்பந்தப்பட்ட இரு குடும்பத்தினரையும் சந்தித்தது. அவர்கள் இதனை தாங்களாகவே மேற்கொண்டதாகவும், எந்தவிதக் கட்டாயத்திற்கும் ஆட்படவில்லை என்றும் தெரிவித்துள்ளனர். இருப்பினும், முழுமையான அறிக்கை மாவட்ட ஆட்சியரிடம் சமர்ப்பிக்கப்பட்டு, விழிப்புணர்வுப் பணிகள் மேற்கொள்ளப்படும்” என்று கூறினார்.
சாதி இராச்சியம் மீண்டும் ஒரு முறை இந்திய சமூகத்தின் பின்னோக்கித்தனத்தை எடுத்துக் காட்டும் வகையில், இந்தச் சம்பவம் தேசிய அளவில் கண்டனம் கிளப்பி வருகிறது.
