Today Headlines | தலைப்புச் செய்திகள் - 12 August 2025

Today Headlines | தலைப்புச் செய்திகள் – 12 August 2025 | Retro tamil

தமிழகத்தில் வருண்குமார் உள்ளிட்ட 4 ஐபிஎஸ் அதிகாரிகளை பணியிடமாற்றம் செய்து தமிழக அரசு உத்தரவிட்டுள்ளது.
திருமங்கலம் பார்முலாவுக்கு பெயர்போன திமுக தலைவர் ஸ்டாலின், ஜனநாயகம் குறித்து பேசுவதுதான் தான் வேடிக்கை என்று பாஜ முன்னாள் மாநில தலைவர் அண்ணாமலை கூறியுள்ளார்.
வாக்காளர் பட்டியல்கள் தன்னிச்சையாக ஆய்வு செய்ய அனுமதிக்கப்பட வேண்டும். இது ஏதோ ஓர் அரசியல் கட்சியின் பிரச்னை அல்ல. ஒட்டுமொத்த இந்தியாவின் பிரச்னை என்று மக்கள் நீதி மய்யத்தின் தலைவரும், எம்பியுமான கமல்ஹாசன் கூறி உள்ளார்.
அரசு வேலைக்காக லஞ்சம் பெற்ற வழக்கில், முன்னாள் அமைச்சர் செந்தில் பாலாஜிக்கு எதிரான கருத்துக்களை நீக்குவதற்கு சுப்ரீம் கோர்ட் மறுத்துவிட்டது.
அதிமுக ஆட்சி மலர்ந்தவுடன் மா விவசாயிகளுக்கு விடிவுகாலம் பிறக்கும் என்று பிரசார பயணத்தில் அதிமுக பொதுச்செயலாளர் இபிஎஸ் கூறினார்.
ஜம்மு-காஷ்மீரின் கதுவாவில் சர்வதேச எல்லையில் பாகிஸ்தானிய ஊடுருவல்காரர் மீது எல்லைப் பாதுகாப்புப் படையினர் துப்பாக்கிச் சூடு நடத்தினர். பின்னர், காயமடைந்த நிலையில் பாகிஸ்தானிய ஊடுருவல்காரர் கைது செய்யப்பட்டார்.
புதிய வருமான வரி மசோதாவை, மத்திய நிதியமைச்சர் நிர்மலா சீதாராமன் லோக்சபாவில் இன்று அறிமுகப்படுத்தினார். தொடர்ந்து மசோதா நிறைவேற்றப்பட்டது.
உக்ரைன் நாட்டில் அமைதி திரும்ப தேவையான அனைத்து உதவிகளையும் செய்ய தயார் என்று அந்நாட்டு அதிபர் ஜெலன்ஸ்கிக்கு பிரதமர் மோடி உறுதி அளித்துள்ளார்.
476 பதிவு செய்யப்பட்ட அங்கீரிக்கப்படாத அரசியல் கட்சிகளை நீக்குவதற்கான அதிகாரப்பூர்வ நடவடிக்கைகளை தலைமை தேர்தல் ஆணையம் தொடங்கி உள்ளது.
அணுஆயுத மிரட்டல் என்பது பாகிஸ்தானின் வழக்கமான வாய்ச்சவடால்தான்; அதற்கெல்லாம் அஞ்ச மாட்டோம் என்று, பாகிஸ்தான் ராணுவ தளபதிக்கு இந்தியா பதிலடி கொடுத்துள்ளது.

No Result