Today Headlines | தலைப்புச் செய்திகள் - 10 August 2025

Today Headlines | தலைப்புச் செய்திகள் – 10 August 2025 | Retro tamil

ரஜினி நடித்துள்ள, கூலி திரைப்பட டிக்கெட் கட்டணம், அரசு நிர்ணயித்ததை விட பல மடங்கு அதிக விலைக்கு விற்கப்படுவதாக புகார் எழுந்துள்ளது.
தமிழக பொது சுகாதாரத் துறை இயக்குநராக ஏ.சோமசுந்தரம், மருத்துவ ஊரக நல பணிகள் இயக்குநராக டி.கே.சித்ரா நியமிக்கப்பட்டுஉள்ளனர்.
மத உணர்வுகளை புண்படுத்தியதாக, பா.ஜ., – எம்.பி., நிஷிகாந்த் துபே மீது ஜார்க்கண்டில் வழக்குப் பதிவு செய்யப்பட்ட நிலையில், அம்மாநில தலைமை செயலர் மற்றும் போலீஸ் டி.ஜி.பி.,க்கு எதிராக, லோக்சபா சபாநாயகர் ஓம் பிர்லாவிடம் அவர் உரிமை மீறல் புகார் அளித்துள்ளார்.
பறவை எச்சத்தால், சுகாதாரப் பிரச்னைகள் ஏற்படுவதால், பொது இடங்களில் புறாக்களுக்கு உணவளிக்க வேண்டாம் என டில்லி மாநகராட்சி அறிவுறுத்தியுள்ளது.
மும்பை விமான நிலையத்தில் ஏற்பட்ட நெட்வொர்க் பிரச்னை காரணமாக விமான சேவையில் பாதிப்பு ஏற்பட்டு உள்ளதாக ஏர் இந்தியா தெரிவித்துள்ளது.
நீண்ட நாட்களாக நீடித்து வரும் போரை முடிவுக்கு கொண்டுவர புடினை சந்தித்து, அதிபர் டிரம்ப் பேச்சுவார்த்தை நடத்த உள்ள நிலையில், ‘எங்கள் நாட்டு நிலத்தை ஆக்கிரமிப்பாளர்களுக்கு விட்டுக்கொடுக்க மாட்டோம்’ என அந்நாட்டு அதிபர் ஜெலன்ஸ்கி தெரிவித்து உள்ளார்.
பஞ்சாப்பில் இருந்து காஷ்மீர் பள்ளத்தாக்கிற்கு முதல்முறையாக சரக்கு ரயில் சேவை தொடங்கப்பட்டதற்கு பிரதமர் மோடி பெருமிதம் தெரிவித்துள்ளார்.
சிந்து நதி நீர் ஒப்பந்தத்தை நிறுத்தியதற்கு பதிலடியாக இந்திய விமானங்களுக்கு பாகிஸ்தான் தன் வான்வெளியை மூடியது. இந்த நடவடிக்கையால் பாகிஸ்தான் விமான போக்குவரத்து ஆணையத்திற்கு ரூ 410 கோடி ( இந்திய மதிப்பில் 127 கோடி ரூபாய்) நஷ்டம் ஏற்பட்டுள்ளது.
பொய்யான குற்றச்சாட்டுகளை சுமத்தியதற்காக காங்கிரஸ் எம்பி ராகுல், பிரமாணப் பத்திரம் தாக்கல் செய்ய வேண்டும் அல்லது மன்னிப்பு கேட்க வேண்டும் என்று தேர்தல் ஆணையம் மீண்டும் தெரிவித்துள்ளது.
உக்ரைனியர்கள் இல்லாமல் உக்ரைனின் எதிர்காலத்தை தீர்மானிக்கக்கூடாது, என பிரான்ஸ் அதிபர் இமானுவேல் மேக்ரான் கூறியுள்ளார்.

No Result